‘‘အခုလို ဂုဏ်ထူးတွေနဲ့ အောင်ခဲ့တဲ့အတွက် အရမ်းလည်း ပျော်ပါတယ်။ သင်ကြားပေးတဲ့ ဆရာတွေကိုလည်း ကျေးဇူးတင်ပါတယ်။ ဒီထက်ပိုပြီးမြင့်တဲ့ ပညာတွေကိုလည်း အကျဉ်းထောင်အပြင်ကနေ ဆက်လက်လေ့လာချင်ပါတယ်’’လို့ သုံးဘာသာဂုဏ် ထူးရှင် ကိုဉာဏ်လင်းမောင်က 7Day သတင်းစာကို ပြောပါတယ်။

ဒီနှစ် တက္ကသိုလ်ဝင်စာမေးပွဲကို အင်းစိန်ဗဟိုအကျဉ်းထောင်မှ အကျဉ်းကျ ကျောင်းသား၊ ကျောင်းသူ ၃၄ ဦး ဖြေဆိုတဲ့ အနက် ၁၉ ဦး အောင်မြင်ပြီး ဝိပ္ပံတွဲ၊ ဝိဇ္ဇာတွဲဘာသာရပ်တွေနဲ့ အောင်မြင်ခဲ့ကာ သုံးဘာသာဂုဏ်ထူးရှင် တစ်ဦး၊ နှစ်ဘာသာဂုဏ်ထူးရှင် တစ်ဦးနှင့် တစ်ဘာသာဂုဏ်ထူးရှင်လေးဦး ရှိခဲ့တာ ဖြစ်ပါတယ်။