ဇွန်လ ၂၀ ရက်နေ့မှာ ကျင်းပတဲ့ ရန်ကုန်တိုင်းဒေသကြီးလွှတ်တော်အစည်းအဝေးမှာ သန်လျင်မြို့နယ်တိုင်းဒေသကြီးလွှတ်တော်ကိုယ်စားလှယ် ဦးအောင်နိုင်ထွန်းက ဆိုင်ကယ်စီးနင်းခွင့်ရှိတဲ့ ရန်ကုန်မြို့တော်စည်ပင်သာယာရေးနယ်နိမိတ်ပြင်ပ မြို့နယ်တွေမှာ မော်တော်ဆိုင်ကယ် ကယ်ရီတွေကို ဥပဒေနဲ့ အညီယာဉ်ရပ်နားစခန်းတွေသတ်မှတ်ပြီးတော့ ကြီးကြပ်ဆောင်ရွက်ပေးဖို့ မေးခွန်းနဲ့ ပတ်သတ်ပြီးတော့ မြို့တော်ဝန်က ဖြေကြားခဲ့တာဖြစ်ပါတယ်။

သန်လျင်မှာရှိတဲ့ ဆိုင်ကယ်ကယ်ရီတွေ ရပ်နားဖို့ အတွက်ဗိုလ်ချုပ်နေဝင်းလမ်းနဲ့ မြို့မဈေးလမ်းကြားမှာရှိတဲ့ နေရာ ၂ ခုကို ဒီနှစ်အတွင်းမှာ တိုးချဲ့ဆောက်လုပ်သွားမှာဖြစ်တယ်လို့ သိရပါတယ်။

ထပ်တိုးချဲ့မယ့် မော်တော်ယာဉ်ရပ်နားစခန်းတွေက အလျား(၁၉၂)ပေ×အနံပေ(၂၀)၊ နောက် အလျားပေ(၂၃၄)×အနံ(၂၃)ပေရှိသည့် နေရာ(၂)နေရာမှာဆောက်လုပ်သွားမှာဖြစ်တယ်လို့ သိရပါတယ်။

အဆိုပါဂိတ်တွေ တည်ဆောက်ရာမှာ စဉ်ဆက်မပြတ် အရေးယူနိုင်ဖို့ ယာဉ်စည်းကမ်းထိန်းသိမ်းရေး ဝန်ထမ်တွေ တိုးချဲ့ခန့်ထားဖို့အတွက် သန်လျင်စည်ပင်သာယာရေးအဖွဲ့ကို ညွှန်ကြားသွားမှာဖြစ်တယ်လို့ သိရပါတယ်။

အများပြည်သူနဲ့ သက်ဆိုင်တဲ့ လုပ်ငန်းဖြစ်တာကြောင့် လုပ်ငန်းအောင်မြင်ဖို့ မြို့နယ်အုပ်ချုပ်ရေးဦးစီးဌာန၊ ရဲတပ်ဖွဲ့တို့နဲ့ ပူးပေါင်း ဆောင်ရွက်သွားမယ်လို့ လည်းသိရပါတယ်။ သန်လျင်မြို့မဈေး ပတ်ဝန်းကျင်မှာ နေ့စဉ် မော်တော်ယာဉ်အစီး ၄၀၀ နဲ့ မော်တော်ဆိုင်ကယ် အစီးရေ ၁၃၀၀ ခန့် ရပ်နားနေတယ်လို့ သိရပါတယ်။