AD
AD
AD
play

 

ကန့်ကွက်မှုများရှိနေသော်လည်း နိုင်ငံရေးပါတီတစ်ရပ် ပေါ်ပေါက်လာတဲ့အထိနည်းလမ်းပေါင်းစုံနဲ့ ဆောင်ရွက်သွားမယ်လို့ "ရှစ် လေးလုံး ပြည်သူ့ပါတီ"ခေါင်းဆောင် ဦးကိုကိုကြီးရဲ့ ပြောကြားချက်ကို ဒီနေ့ထုတ် 7Days သတင်းစာမှာ ဖော်ပြထားပါတယ်။

ဇွန်လ ၂၄ ရက်က ရန်ကုန်မြို့ရှိ ပါတီဖြစ်မြောက်ရေးရုံး ဗဟိုရုံးခန်းမှာ ပြုလုပ်ခဲ့တဲ့ ပါတီအရေးနှင့်ပတ်သက်ပြီး တိုင်းနဲ့ပြည်နယ် အသီးသီးမှ ပါတီဖြစ်မြောက်ရေး ကိုယ်စားလှယ်တွေ တွေ့ဆုံဆွေးနွေးပွဲမှာ အခုလိုပြောကြားခဲ့တာဖြစ်ပြီး ရှစ်လေးလုံးကို နိုင်ငံတော်အဆင့် အသိအမှတ်ပြုမှု ဖြစ်စေချင်တယ်လို့ ဆိုပါတယ်။

''ကျနော်တို့ မဆလခေတ် တစ်ခေတ်ကိုလည်း ဖြတ်သန်းလာခဲ့ ပြီးပြီ။ ပြည်သူပိုင်ဆိုပြီး သိမ်းလိုက်တာပြီးတော့ သူပိုင်သလိုလို ကိုယ်ပိုင် သလိုလိုနဲ့ ပိုင်ရှင်မဲ့ ဖြစ်သွားတာပဲ။ အခုလည်း အဲလိုဖြစ်သွားမှာကို စိုးရိမ်တဲ့ စိတ်က တစ်ဖက်ဆိုပေမယ့် ကျနော်တို့ ပါတီတစ်ရပ် ဖြစ်ပေါ်လာအောင် မဖြစ်မနေကြိုးစားသွားမယ်။ ရှစ်လေးလုံးကို နိုင်ငံတော်အဆင့် အသိအမှတ်ပြုမှု ဖြစ်စေချင်တာ ကျနော်တို့ ဆန္ဒပါ''လို့ ဦးကိုကိုကြီးက သူ့ရဲ့လူမှုကွနရက်စာမျက်နှာမှာ ရေးသားထားပါတယ်။

play

 

‘ရှစ်လေးလုံး ပြည်သူ့ပါတီ’ ပါတီအမည်၊ အလံနဲ့ အမှတ်တံဆိပ်တို့ကို ပြန်လည် ပြင်ဆင်ဖို့ ကန့်ကွက်မှုတွေက ခိုင်လုံနေတာကြောင့် ပါတီ အနေနဲ့ ဇူလိုင် ၁၃ ရက်မတိုင်မီ နာမည်၊ အလံနဲ့ အမှတ်တံဆိပ် အသစ်တွေ မတင်ပါက ပါတီထူထောင်ခွင့် အလိုအလျောက် ပျက်ပြယ်မယ်လို့ ကော် မရှင်က အကြောင်းကြားထားပါတယ်။

ပါတီအမည်၊ အလံနဲ့ တံ ဆိပ်အသစ်တို့ကို ရွေးချယ် အတည်ပြုဖို့ ‘ရှစ်လေးလုံးပြည် သူ့ပါတီ’ဖြစ်မြောက်ရေးကော် မတီ ဖွင့်လှစ်ဆောင်ရွက်နေတဲ့ တိုင်းနှင့်ပြည်နယ်အသီးသီးမှ ကိုယ်စားလှယ် ၁၀၀ ကျော် ပါဝင်မယ့် စုံညီအစည်းအဝေး (သို့ မဟုတ်) ညီလာခံ တစ်ရပ်ကို ဇူလိုင် ၈ ရက်မှာ မန္တလေးမြို့မှာ ပြုလုပ်ဖို့ ဆုံးဖြတ်ထားတယ်လို့ ဆိုပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD