ဧရာဝတီမြစ်အနေနဲ့ လက်ရှိမှာ ရွှေကူမြို့မှာ စိုးရိမ်ရေမှတ်ကို ရောက်ဖို့ ၃ ပေ အလို၊ ချင်းတွင်းမြစ်မှာ ဟုမ္မလင်းမြို့မှာ စိုးရိမ်ရေမှတ်ကို လာမယ့် ၃ ရက်ကနေ ငါးရက်အတွင်းရောက်ရှိနိုင်ကာ ငဝန်မြစ်အနေနဲ့ ငါးသိုင်းချောင်းနဲ့ သာပေါင်းတို့မှာ စိုးရိမ်ရေမှတ်ကို ၃ ပေ အလိုမှာ ရှိနေတယ်လို့ မိုးဇလ ဌာနမှ ညွှန်ကြားရေးမှူးချုပ် ဦးကျော်မိုးဦးက ပြောပါတယ်။

“ ဒီနောက်ပိုင်းမှာ မိုးက ဆက်လိုက်နေသေးတယ်။ ရွှေကူမှာဆိုရင်နောက် သုံးလေးရက်လောက်နေရင် စိုးရိမ်ရေမှတ်ကို ရောက်နိုင်တဲ့အနေအထားရှိတယ်။ ကသာဆိုရင်လည်း ငါးပေ ပတ်ဝန်းကျင်လောက်မှာရှိတယ်။ အဓိကကတော့ မိုးဆက်ကောင်းနေရင် စိုးရိမ်ရေမှတ်ကို လေးငါးရက်အတွင်း ရောက်နိုင်တယ်။” လို့ ဆိုပါတယ်။

မြစ်ကမ်းပါးအနီးနေထိုင်သူတွေအနေနဲ့ အလွယ်တကူရှောင်ရှားလို့ရနိုင်အောင် ကြိုတင်ပြင်ဆင်ထားသင့်ပြီး ရေတွေဝင်ရောက်လာရင် ရေတွေကို တခြားတစ်နေရာကို လွှဲပြောင်းပေးနိုင်အောင်၊ နေထိုင်တဲ့မြို့မှာရှိတဲ့ တာတမံတွေမှာ ရေဘေးကာကွယ်မှုတွေ ဆောင်ရွက်ထားသင့်တယ်လို့ မိုးဇလ က သတိပေးထားပါတယ်။

ဇူလိုင်နှင့် သြဂုတ်သည် ဒုတိ ယရေကြီးကာလဖြစ်ပြီး ဇူလိုင်လလယ်ကစတင်ကာ မြန်မာနိုင်ငံဒေသ အများစု ပုံမှန်ထက် မိုးကောင်းလာ နိုင်တာကြောင့် ရေကြီးနစ်မြုပ်မှု ကြိုတင်သတိပြုဖို့ မိုးလေဝသပညာရှင် ဒေါက်တာထွန်းလွင်က သတိပေးထားပါတယ်။