AD
AD
AD

ကြည့်မြင်တိုင်မြို့မှာ ပျောက်ဆုံးနေတဲ့ အသက် ၁၄ နှစ်အရွယ် ကျောင်းသူနှစ်ဦးကို လေးရက်ကြာပြီးအထိ ရှာမတွေ့သေးဘူးလို့ သိရပါတယ်။

 

play

ဓါတ်ပုံ- Internet

ကြည့်မြင်တိုင်က အသက် ၁၄ နှစ်အရွယ် န၀မတန်းကျောင်းသူ နှစ်ဦး ပျောက်ဆုံးနေတာဟာဆိုရင် ဇူလိုင်လ ၆ ရက်မှာ လေးရက်ကြာမြင့်နေပြီဖြစ်ပြီးတော့ မိသားစုဝင်တွေက အပူတပြင်းရှာဖွေနေကြတာလည်းဖြစ်ပါတယ်။

‘ ၂ ရက်နေ့ကတည်းကစာရေးပြီးထွက်သွားတာပဲ။ အလုပ်သွားလုပ်မယ်ဆိုတဲ့ပုံစံပေါ့။အဲ့လိုရေးပြီး တော့အဆက်အသွယ်လုံးဝမရတော့တာ။ ကြည့်မြင်တိုင်၊မှော်ဘီနဲ့ ပဲခူးမှာလည်း တိုင်ချက်ဖွင့်ထားပါတယ်။’ လို့ ပျောက်ဆုံးနေတဲ့ မမြသက်ကေခိုင်ရဲ့ အကိုဖြစ်သူက ပြောပါတယ်။

အသက် ၁၄ နှစ်အရွယ်ကျောင်းသူနှစ်ဦးက မ မြသက်ကေခိုင်နဲ့ မြသော်သော်ဟန်ဖြစ်ပြီးအတန်းဖော်နှစ်ဦးဖြစ်ကြပါတယ်။

သူတို့နှစ်ယောက်က ကျူရှင်သွားမယ်ပြောပြီးပျောက်သွားတာဖြစ်တယ်လို့ မိသားစုဝင်တွေက ပြောပါတယ်။

ဇူလိုင်လ ၃ ရက်နေ့မှာ မမြသက်ကေခိုင်က အိမ်ကို ဖုန်းဆက်ခဲ့သလို ထောက်ကြန့်မှာလာခေါ်ဖို့ ဖုန်းဆက်ခဲ့တယ်လို့ဆိုပါတယ်။ မိဘတွေအနေနဲ့ လူမှုကွန်ယက်မှာ အပြင်းအထန်ရှာဖွေနေကြပြီးတော့ မြို့နယ် သုံးမြို့နယ်က ရဲစခန်းတွေမှာအမှုဖွင့်ထားတယ်လို့ သိရပါတယ်။

ပျောက်ဆုံးနေတဲ့ မိန်းကလေးနှစ်ယောက်ကို တွေ့ရှိပါက ၀၉-၂၆၂၇၇၀၁၈၈ နဲ့ ၀၉-၇၉၄၂၃၂၃၂၃ ကို ဆက်သွယ်နိုင်တယ်လို့ ဆိုပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD
More From

Local News


AD