photo - Thant Myint-U Facebook

ဇွန်လ ၈ ရက်နေ့ က ယောမင်းကြီးဇရပ်စကားဝိုင်းမှာ အနာဂတ် မြန်မာနိုင်ငံ၂၀၅၀ဆိုတဲ့ စကားဝိုင်းဆွေးနွေးပွဲမှာ သုံးသပ်ပြောကြားခဲ့တာပါ။

photo - Thant Myint-U Facebook

ဟိုးရှေးအတိတ်ကြေးခေတ်က လယ်သမားတွေနဲ့ နှစ်ထောင်ချီကြာပြီဖြစ်တဲ့ ပုဂံကာလကလို မြန်မာတွေက တွေဝေဆိုင်းငံ့မနေဘဲ ပြင်ပက ဗဟုသုတတွေကို လက်ခံသင့်ကြောင်း၊ ပိုလို့ကြီးကျယ်စွာ၊တီထွင်ဖန်တီးမှုရှိစွာ တွေးခေါ်ကြဖို့ လိုအပ်ကြောင်း၊ ဒီလိုမှမဟုတ်ရင် လူတွေရဲ့ သက်တမ်းအတွင်းမှာ နိုင်ငံက ပျောက်ကွက်သွားနိုင်ပါကြောင်း ဒေါက်တာသန့်မြင့်ဦးက ဆိုပါတယ်။

လက်ရှိမှာ မြန်မာနိုင်ငံအနေနဲ့ အနာဂတ်စိန်ခေါ်မှုတွေကို ရင်ဆိုင်မယ့် စွမ်းရည်တွေ နေရာ၊ကဏ္ဍတိုင်းမှာ ရှိရဲ့လားဆိုတာ သံသယဖြစ်စရာဖြစ်နေကြောင်း ၊ ၂၁ ရာစုပြ ဿနာတွေ ရှေ့မှောက်ရောက်နေတဲ့အချိန်မှာ ၂၀ ရာစုက အဖြေတွေနဲ့ ငြင်းခုံနေကြဆဲပဲလို့ ပြောပါတယ်။

ခန့်မှန်းချက်တွေအရ ဆယ်စုနှစ်အတွင်းမှာ လူ ၅-၁၀ သန်းလောက်က ရန်ကုန်နဲ့ အခြားမြို့ကြီးတွေကို ရွှေ့ပြောင်းလာပြီး တီထွင်ဖန်တီးမှုနဲ့ ထုတ်လုပ်နိုင်စွမ်းရှိတဲ့ မောင်းနှင်အားတွေနဲ့ နေချင်စဖွယ် မြို့ပြကို ရမှာလား၊ ဒါမှမဟုတ် ရာဇဝတ်မှုတွေ၊ လူမှုရေး မငြိမ်မသက်မှုတွေနဲ့ ဒုက္ခဘုံ မြို့ပြမျိုးကို ရမှာလား ဆိုတာ ရွေးချယ်ရမှာ ဖြစ်ပြီး ခုလို စိန်ခေါ်မှုပြဿနာတွေကို မြန်မာပြည်သူတွေက သိရှိနားလည်ပြီး ရင်ဆိုင်ဖြေရှင်း ကြရမယ်လို့ ဒေါက်တာ သန့်မြင့်ဦးက ပြောပါတယ်။