တိုက်ခိုက်သူအမျိုးသမီးကို ချက်ချင်းဖမ်းဆီးနိုင်ခဲ့တယ်လို့ သိရပါတယ်။

ပြင်ဦးလွင်က အမျိုးသမီးအဆောင်တစ်ခုမှာ အဆောင်ပိုင်ရှင် အမျိုးသမီးတစ်ဦးတည်းရှိနေစဉ် အခြား အမျိုးသမီးတစ်ဦးက တိုက်ခိုက်မှုတစ်ခု  ဇူလိုင်လ ၁၂ ရက်နေ့က ဖြစ်ပွားခဲ့တယ်လို့ ပြင်စာ ရဲစခန်း ကသိရပါ တယ်။

ဖြစ်စဉ်ကတော့ ပြင်ဦးလွင်မြို့ သုံးတောင်ရွာက မြင့်မြတ်မေ အမျိုးသမီးဘော်ဒါဆောင်မှာ အဆောင်ပိုင်ရှင် ဒေါ်မြင့်မြင့်မော်တစ်ဦးတည်း ရှိနေစဉ် အမျိုးသမီးတစ်ဦးရောက်လာပြီး အဆောင်ဌားရန် ပြောဆိုခဲ့ကြောင်း သိရပါတယ်။

အဲဒီနောက် ဒေါ်မြင့်မြင့်မော်က မိမိမှာ အခန်းပြည့်သွားပြီဖြစ်တာကြောင့် ယောက္ခမရဲ့ အဆောင်ကို သွားရောက်ဖို့လမ်းညွှန်ပေးခဲ့ပေမယ့် အဆိုပါအမျိုးသမီး က နေအိမ်က မထွက်သွားသေးဘဲ အိမ်အတွင်းဝင်လာစဉ်က ပါလာတဲ့ ပန်းစည်းကို အထုတ်ဖြေပြီး ၁ ပေခန့်ရှိတဲ့ ထင်းချောင်းနဲ့ ရိုက်ခဲ့တာကြောင့် ရုန်းရင်းဆန်ခတ်ဖြစ်ရင်း ဒေါ်မြင့်မြင့်မော်ရဲ့ ဆွဲကြိုးပျက်ဆီးခဲ့တယ်လို့ ဆိုပါတယ်။

ဖြစ်စဉ်ဖြစ်ပွားချိန်မှာပဲ ခြံအနီးပတ်ဝန်းကျင်က လူတွေ ဝိုင်းဝန်းဖမ်းဆီးမှုကြောင့် တိုက်ခိုက်သူအမျိုးသမီးကို ချက်ချင်းဖမ်းဆီးနိုင်ခဲ့ပါတယ်။

ဒီဖြစ်စဉ်နဲ့ ပတ်သက်ပြီး နေအိမ်အတွင်းသို့ ခွင့်ပြုချက် မရှိဘဲ ဝင်ရောက်လာပြီး နာကျင်ဒဏ်ရာတွေ ရအောင်ပြုလုပ်ခြင်း၊ ဝတ်ဆင်ထားတဲ့ ဆွဲကြိုးကိုပျက်စီးအောင်လုပ်သူ အေးမြင့်မြတ်ကို အရေးယူပေးဖို့ သက်ဆိုင်ရာ ပြင်စာရဲစခန်းကိုု အမှုဖွင့်တိုင်ကြားခဲ့တာဖြစ်ပါတယ်။

ဒီဖြစ်စဉ်နဲ့ ပတ်သက်ပြီး သက်ဆိုင်ရာ ပြင်စာရဲစခန်းကို အမှုဖွင့်တိုင်ကြားထားပြီး ရဲစခန်းက ဆက်လက် စစ်ဆေးနေတယ်လို့ ပြင်စာရဲစခန်း ရဲအရာရှိတစ်ဦးက ပြောပါတယ်။

“လောလောဆယ်တော့ သူတို့လာတိုင်လို့ ရဲစခန်းက အမှုဖွင့်ထားပါတယ်။ တရားလိုဖက်က လာတိုင်တဲ့အချက်အလက်တွေကို စစ်ဆေးတဲ့အခါကွဲလွဲမှုတွေရှိပါတယ်။ အမှုစစ်က အခင်းဖြစ်နေရာကို သွားရောက်စစ်ဆေးနေပါတယ်။ ပုဒ်မတွေက ၄၅၂၊၃၂၃၊၄၂၇ တို့နဲ့ အမှုဖွင့်ထားပါတယ်” လို့ ရဲအရာရှိကဆေိုပါတယ်။

လူမှုကွန်ရက်ပေါ်မှာတော့ တိုက်ခိုက်သူအမျိုးသမီးဟာ အဲ့ဒီအဆောင်မှာနေဖို့ စပေါ်ကြိုတင်ပေးထားခဲ့တာကို အဆောင်ပိုင်ရှင်က သူယူထားတဲ့ အခန်းကို ငှားလိုက်ရာကစပြီး အချေအတင်ဖြစ်တာလို့ ပြောဆိုမှုတွေရှိပါတယ်။

 

 

 


ဆက်စပ်အကြောင်းအရာများ

Share

Loading Next Article...
က္က