နေရာမှာတင် သေဆုံးသွားတာပါ။

ဇူလိုင်လ ၁၃ ရက်နေ့ ညနေ ၅ နာရီ လောက်က တောင်ဥက္ကလာမြို့နယ် သံသုမာလမ်းပေါ်မှာ ပြတ်ကျနေတဲ့ ဓါတ်ကြိုးပေါ်ကို ကလေးတစ်ယောက် ထိမိပြီး နေရာမှာတင် သေဆုံးမှုတစ်ခု ဖြစ်ပွားခဲ့ပါတယ်။

37088847_10156276905981047_5574688591805677568_n.jpg

Photo - ကျော်ထက်လူ



သေဆုံးချိန်မှာ လမ်းပေါ်မှာ ရေလျှံနေခဲ့ပြီး ဓါတ်ကြိုးကတော့ ညနေ ၃ နာရီ ခွဲလောက်အချိန် ကတည်းက ပြတ်ကျနေခဲ့တာဖြစ်တယ်လို့ မျက်မြင်သက်သေဖြစ်တဲ့ ကိုကျော်ထက်လူက ပြောပါတယ်။

"ဓါတ်ကြိုးကနေ ညနေ ၃ နာရီခွဲလောက်ထဲက ပြတ်ကျနေတာ ကျွန်တော်တို့တောင်လှမ်းပြီး EPC ကိုပြောသေးတယ်။ ကိုယ့်အိမ်ရှေ့တည့်တည့်မှာ ဖြစ်နေတော့ စိုးရိမ်ပြီးလှမ်းပြောတာ၊ ကလေးက ဖြစ်တာ ၅ နာရီလောက်ဖြစ်တာ၊ လဲကျနေတာ အကြာကြီးပဲ ဘယ်သူမှလည်းသွားမယူရဲဘူးလေ၊ ၁၅ မိနစ်လောက်ကြာမှ မိဘတွေက လာပြီး ယူသွားကြတယ်" လို့ ကိုကျော်ထက်လူကပြောပါတယ်။

Map: Google



ဓါတ်လိုက်တဲ့ ကလေးကိုတော့ စံပြဆေးရုံကို ပို့ခဲ့ပေမယ့် ဓါတ်လိုက်တဲ့ အချိန်ကတည်းက ဆုံးပါးနေခဲ့တာဖြစ်တယ်လို့ EPC တာဝန်ရှိသူက ပြောပါတယ်။

"ကလေးကတော့နေရာမှာတင်ဆုံးသွားပါတယ်။ ကျွန်တော်တို့လည်း ပြတ်ကျနေတဲ့ ဓါတ်ကြိုးတွေကို ပြန်လည်ပြုပြင်ခဲ့ပါတယ်။ နောက် ဘာဆက်လုပ်ရမလဲတော့ လူကြီးတွေပဲသိပါလိမ့်မယ်။"လို့ တောင်ဥက္ကလာမြို့နယ် လျှပ်စစ်ရုံးက ကျွမ်းကျင်အမှတ် ၃ တာဝန်ရှိသူ ဦးသန်းဝင်းက ဓူဝံကိုပြောပါတယ်။

 


ဆက်စပ်အကြောင်းအရာများ

Share

Loading Next Article...
က္က