AD
AD
AD

ဖားကန့်မြို့နယ် လုံးခင်းအုပ်စု ဆန်ခါကျေးရွာအနီးက ကျောက်စိမ်းလုပ်ကွက် ကမ်းပါးနံရံပြိုကျမှု ဇူလိုင်လ ၁၄ ရက်နေ့ မွန်းလွဲ ၂ နာရီ ၁၀ မိနစ် ခန့်က ဖြစ်ပွားခဲ့တာကြောင့် လူ ၁၄ ထက်မနည်းသေဆုံးပြီး ၃၀ ကျော်လောက် ဒဏ်ရာ ရရှိခဲ့တယ်လို့ သိရပါတယ်။

play
Photo - Zaw Moe Htet



လောလောဆယ် ကယ်ထုတ်လို့ရသလောက် ဆက်လက်ကယ်ထုတ်နေပြီး သေဆုံးသူအရည်အတွက်နဲ့ ဒဏ်ရာ ရသူ အရည်အတွက်အတိအကျကိုတော့ ဆက်လက်ရှာဖွေပြီးမှပဲ ပြောလို့ရမယ်လို့ အဲ့ဒီနေရာမှာ သွားရောက် သတင်းရယူနေတဲ့ သတင်းထောက် ကိုဂျူလိုင်စည်သူကပြောပါတယ်။

ဒေသခံတွေရဲ့ခန့်မှန်းချက်တွေအရ သေဆုံးမှုဟာ ဒီထက်ပိုနိုင်တယ်လို့ ဆိုပါတယ်။ မြေစာပုံအောက်ရောက်သွားတဲ့ သူတွေကို ပြန်လည်ဖော်ထုတ်ဖို့က အခက်အခဲတွေများစွာရှိနေတာလည်းဖြစ်ပါတယ်။

 

play


 

"ကယ်ထုတ်လို့ရသလောက် ကယ်ထုတ်နေပါတယ်။ အဲ့ဒီနေရာတွေမှာ ကန့်သတ်နယ်မြေလည်း လုပ်ပြီးပါပြီ။ ဒဏ်ရာ ရသူတွေကို ဆေးရုံပို့တာတွေကိုလည်း ဆက်ပြီး လုပ်ပေးနေတယ်။ ဌာနဆိုင်ရတွေအကုန်လုံးလည်း ပူးပေါင်းဆောင်ရွက်ပေးနေပါတယ်။"လို့ ဖားကန့် အုပ်ချုပ်ရေးမှူး ဦးကျော်စွာအောင် ဓူဝံကိုပြောပါတယ်။

ဖားကန့်ကျောက်စိမ်းတွင်းဒေသမှာ ၂၀၁၈ ခုနှစ်အတွင်း မြေပြိုမှု ၊ကမ်းပါးပြိုကျမှု ( ၁၁ ) ကြိမ်ဖြစ်ပွားခဲ့ပြီး လူပေါင်း ( ၇၈ )ဦး သေဆုံးခဲ့ပြီး ဒဏ်ရာရသူ ( ၁၇ ) ယောက်ရှိခဲ့ပြီလည်းဖြစ်ပါတယ်။ ခုထပ်မံဖြစ်ပွားမှု စာရင်းကတော့ အသေးစိတ်စုံစမ်းနေဆဲဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD