အင်ဒိုနီးရှား၊မြန်မာ၊ စကာၤပူ သုံးနိုုင်ငံပူးပေါင်းပြီးတော့ ပြုလုပ်တဲ့ပန်းချီပြပွဲကို Yangon Gallery မှာကျင်းပနေတာဖြစ်ပြီးတော့ သုံးနိုင်ငံပူးပေါင်းပြုလုပ်တဲ့ပထမဆုံးပန်းချီပြပွဲလည်းဖြစ်ပါတယ်။
"Contemporary art ပုံစံပါတယ်။ပုံစံစုံပါတယ်။ပန်းချီဝါသနာပါတဲ့မြန်မာနိုင်ငံကလူတွေ ပန်းချီပညာကို လေ့လာနိုင်အောင်ပါ။" လို့ ပါဝင်ပြသခဲ့တဲ့ ပန်းချီဆရာ ကိုသားကြီးက ဓူဝံကို ပြောပါတယ်။
ပြပွဲမှာ နိုင်ငံသုံးနိုင်ငံက ပန်းချီဆရာတွေရဲ့ ကားပေါင်း ၇၀ လောက်ကို ပြသထားတာဖြစ်ပြီးတော့ မြန်မာနိုင်ငံက ပန်းချီဆရာငါးယောက်၊ အင်ဒိုနီးရှားနိုင်ငံက ပန်းချီဆရာ ခြောက်ယောက်၊ စကာၤပူက ပန်းချီဆရာလေးယောက် ပါဝင်ပါတယ်။
မြန်မာနိုင်ငံက ပန်းချီဆရာတွေဖြစ်တဲ့ ကိုကျော်စိုး၊ စိုးစိုး(လပွတ္တာ)၊ ကိုလှဘုန်း၊ကိုသားကြီး ၊ ကိုခင်ဇော်လတ်တို့ရဲ့ ပန်းချီကားတွေပါဝင်တယ်လို့ သိရပါတယ်။
အဲ့ဒီပြပွဲကို Art Line Exhibition လို့ အမည်ပေးထားပြီးတော့ ဇူလိုင်လ ၁၇ ရက်နေ့ကနေ ဇူလိုင်လ ၂၀ ရက်နေ့အထိ မနက် ၁၀ နာရီကနေ ညနေ ၆ နာရီအထိ ဝင်ကြေးအခမဲ့နဲ့ ပြသသွားမှာဖြစ်ပါတယ်။