AD
AD
AD

မြန်မာနိုင်ငံကို ဒီနှစ်မှာလာရောက်တဲ့ အနောက်နိုင်ငံသား ခရီးသွားတွေလာရောက်မှု လျော့ကျနေတယ်လို့ ခရီးသွားလုပ်ငန်းရှင်များအသင်းဥက္ကဌ ဦးသက်လွင်တိုးက ပြောပါတယ်။

play
Photo - AFP



"မြန်မာနိုင်ငံမှာ အထင်လွဲနေတာတွေရယ်ရော၊ ရှိတာပေါ့။ လာကြည့်တော့ ဒီလောက်လည်း မဟုတ်ဘူး။ သိကြတာပါပဲ။ ဒါတွေကိုပြန်မြှင့်တင်ဖို့တော့လုပ်နေပါတယ်။” လို့ သူက ဓူဝံကိုပြောပါတယ်။

ပြင်သစ်၊ အင်္ဂလန်၊ ဂျာမန်၊ နော်ဝေ၊ ဒိန်းမတ်၊ဆွီဒင် စတဲ့ နိုင်ငံတွေကနေ လာရောက်မှုက သိသိသာသာကျဆင်းသွားတာဖြစ်ပြီးတော့ ကျန်တဲ့ နိုင်ငံတွေဝင်ရောက်မှုက ပုံမှန်အတိုင်းရှိနေတယ်လို့ သိရပါတယ်။

“မဟုတ်ဘူး။ သိကြတာပါပဲ။ ဒါတွေကိုပြန်မြှင့်တင်ဖို့တော့လုပ်နေပါတယ်။ပြင်သစ်နဲ့ အင်္ဂလန်မားကတ်က ပိုဆိုးတယ်။ ဂျာမန်တို့ ဘာတို့က ၃၀ - ၄၀ ရာခိုင်နှုန်းအထိကျတယ်။ ကျွန်တော်တို့ စပိန်ကတော့သိပ်မကျဘူး ၁၂ ရာနှုန်းပဲကျတယ်။ ရုရှားဆိုရင် ၄ ရာခိုင်နှုန်းရှိတယ်။ စပိန်တို့ရုရှားတို့ ယူရိုးပီးယန်းတွေကိုတော့ နည်းနည်းကျတယ်။ တစ်ဖက်က ငွေဝင်အောင်တော့ပြန်လုပ်နေရတာပေါ့။ ကျွန်တော်တို့က ကုမ္ပဏီအနေနဲ့ဆိုရင် စပိန်တိုးက သိပ်မကျဘူး။ ပုံမှန်သွားနေတယ်။ နောက်ရုရှားတွေလည်း သူ့ဘာသူရှိတယ်။နော်ဝေး၊ဒိန်းမတ်၊ဆွီဒင်တို့လို နိုင်ငံတွေကကျ လူ့အခွင့်အရေးဦးစားပေးနိုင်ငံတွေဆိုတော့ နည်းနည်းတော့ကျတယ်။” လို့ သူက ပြောပါတယ်။

လာမယ့် ၂၀၁၉ ခုနှစ်မှာတော့ ခရီးသွားလုပ်ငန်းဖွံ့ဖြိုးအောင် လုပ်ဆောင်သွာားမှာဖြစ်ပြီးတော့ လုပ်ဆောင်ရမယ့်အချက်တွေကို ဒုတိယသမ္မတနဲ့လည်း တွေ့ဆုံညှိနှိုင်းအဖြေရှာမှုတွေ လုပ်ဆောင်နေတယ်လို့ ဆိုပါတယ်။

မြန်မာနိုင်ငံကို လေကြောင်းနဲ့ပြည်ပဧည့်သည်ဝင်ရောက်မှုမှာ ၂၀၁၈ ဇွန်လအထိ ခရီးသည် ခြောက်သိန်းခွဲဝင်ရောက်ခဲ့ပြိးတော့ အပျော်စီးသဘောင်္နဲ့ ၀င်ရောက်မှုက ၆၈၈၀ ဦး၊ နယ်စပ်ဝင်ပေါက်ကနေ အတွင်းပိုင်းထိဝင်ရောက်မှုက ၂၃၂၃၄ ဦးအထိရှိခဲ့တာဖြစ်ပြီးတော့ နယ်စပ်ကနေ၀င်ရောက်သူတွေက တစ်သန်းကျော်ရှိခဲ့ပြီး အားလုံးစုစုပေါင်း တွက်ချက်မှုအရ ယခင်နှစ်နဲ့ နှိုင်းယှဉ်ရင် ၂ ရာခိုင်နှုန်းကျဆင်းသွားတယ်လို့ ဟိုတယ်နဲ့ ခရီးသွာလာရေးဝန်ကြီးဌာနက ထုတ်ပြန်ထားပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD