ဟာသသရုပ်ဆောင်အောင်ရဲထွေးကို သတ်တဲ့တရားခံတွေကို အမှုကနေလွတ်မြောက်မှုဟာ မိသားစုခြင်းညှိနှိုင်းမှုကြောင့်ဖြစ်ပြီး တရားရုံးအဆင့်ဆင့်ကနေ ချထားပေးတာကို အမိန့်ချတာဖြစ်တယ်လို့ တရားလွှတ်တော်ရှေ့နေဦးချစ်ကိုကိုက ပြောဆိုလိုက်ပါတယ်။
ဇူလိုင် ၂၅ ရက်နေ့က အရှေ့ပိုင်းခရိုင်တရားရုံးကနေ ချမှတ်လိုက်တဲ့အမိန့်နဲ့ ပတ်သက်ပြီး လူမှုကွန်ရက်တွေမှာ ဝေဖန်နေကြပြီး ငွေကြေးတစ်စုံတစ်ရာ ပေးမှုကြောင့်ဖြစ်တယ်လို့ ပြောဆိုဝေဖန်မှုတွေရှိနေပါတယ်။
ဒီအမှုဟာ သေဆုံးသူကို ဘယ်သူဘယ်ဝါက သေစေအောင်ပြုလုပ်တယ်ဆိုတာ မထင်ရှားတဲ့ အပြင် ဘာသာတူခြင်း မိသားစုခြင်းညှိနှိုင်းခဲ့မှုကြောင့် အမှုကို ပြန်လည်ရုပ်သိမ်းခဲ့ကြတာဖြစ်တယ်လို့ တရားခံရှေ့နေအဖြစ်ဆောင်ရွက်ခဲ့သူ တရားလွှတ်တော်ရှေ့နေ ဦးချစ်ကိုကို က ဓူဝံကိုပြောပါတယ်။
"ဒီအမှုကို တရားလို့ သေဆုံးသူရဲ့ အကို ကိုသန့်ဇင်ဦးက တရားစွဲခဲ့ပြီး နောက်ရုံးချိန်တွေမှာ အမှုပိတ်သိမ်းဖို့ လျောက်ထားခဲ့တာဖြစ်ပါတယ်။ ပုဒ်မ ၄၉၄ (က) ဟာ ကျေအေးလို့ မှုတဲ့ အမှုတွေကို ပိတ်သိမ်းတဲ့ ဥပေ
ပါ။ ဒီအမှုဖြစ်နေစဉ်မှာ သက်သေ ၁၄ ယောက်ကို စစ်ဆေးခဲ့ပြီး ဘယ်သူက သတ်တယ်ဆိုတာ သက်သေမခိုင်လုံတာကြောင့်ရော ဘာသာရေးခေါင်းဆောင်တွေက ညှိနှိုင်းပေးခဲ့တာကြောင့်ရော ပြန်လည်ရုပ်သိမ်းသွားခဲ့တာပါ။"လို့ ရှေ့နေဦးချစ်ကိုကိုကပြောပါတယ်။
အောင်ရဲထွေးရိုက်နှက်ခံရပြီးသေဆုံးမှုနဲ့ပါတ်သတ်ပြီး ရာဇဝတ်ကျင့်ထုံးဥပဒေပုဒ်မ ၄၉၄(က)အရ ရုပ်သိမ်းခွင့်ပြုတာကြောင့် ဖမ်းဆီးထားသူ အမျိုးသားသုံးဦးကို အမှုကနေပြန်လွှတ်ပေးလိုက်ပါတယ်။
အဲ့ဒီအမှုနဲ့ ပါတ်သတ်ပြီး သုဝဏ္ဏနယ်မြေရဲစခန်းက (ပ)၅/၂၀၁၈ အမှုဖွင့်စစ်ဆေးခဲ့ပြီးတော့ အသက် ၂၆ နှစ်အရွယ် သန်းထွဋ်အောင်(ခ)သားကြီး၊ အသက် ၂၆ နှစ်အရွယ်ပြည့်ဖြိုးအောင်(ခ)အောင်လေး၊ အသက် ၂၈ နှစ်အရွယ်ကျော်ဇောဟန်(ခ) ကျော်ဇော ကို တရားခံအဖြစ်နဲ့ ဖမ်းဆီးရာ ကနေပြန်လွှတ်ပေးလိုက်တာပါ။
၂၀၁၇ ဒီဇင်ဘာလတုန်းက သရုပ်ဆောင်အောင်ရဲထွေး က The One Entertainment Park မှာလူတစ်စုရဲ့ ဝိုင်းဝန်းကန်ကျောက်ခြင်းကို ခံခဲ့ရပြီး ဦးခေါင်းက ဒဏ်ရာတွေကြောင့် ဇန်နဝါရီ ၂ ရက်နေ့မှာသေဆုံးခဲ့တာပါ။