ပခုက္ကူမှာကျင်းပမယ့် အတိုင်ပင်ခံပုဂ္ဂိုလ်ရဲ့ ငြိမ်းချမ်းရေးစကားဝိုင်းမှာ ပါဝင်ဆွေးနွေးဖို့အတွက် လူရွေးရာမှာ ရုပ်ချောဖို့ လိုတယ်ဆိုတဲ့ အချက်ကို ထည့်သွင်းတာက စိတ်ပျက်ဖို့ကောင်းတယ်လို့ ပခုက္ကူကွန်ပျူတာတက္ကသိုလ် ကျောင်းသားသဂ္ဂက သြဂုတ်လ ၃ ရက်နေ့စွဲနဲ့ ထုတ်ပြန်ပါတယ်။
ငြိမ်းချမ်းရေးစကားဝိုင်းမှာ ကွန်ပျူတာတက္ကသိုလ်(ပခုက္ကူ)က ပါဝင်ဆွေးနွေးမယ့်ကျောင်းသား၊သူ ၊ဆရာ၊ဆရာမ လေးဦးကို ရွေးချယ်ရာမှာကျောင်းသားသမဂ္ဂကို အသိပေးတာမရှိသလိုပူးပေါင်းဆောင်ရွက်တာမရှိဘုူးလို့ ထုတ်ပြန်ထားပါတယ်။
ဒါ့အပြင် လူရွေးချယ်တဲ့အခါမှာလည်း ရုပ်ရည်ချောမောရမယ်ဆိုတဲ့ အချက်ကို အခြေခံထားတာက အံ့အားသင့်ဖို့ ကောင်းတယ်ဆိုပီး ထုတ်ပြန်တာပါ။
“ အတိုင်ပင်ခံပုဂ္ဂိုလ်ရဲ့ ငြိမ်းချမ်းရေးစကားဝိုင်းမှာဆွေးနွေးဖို့ တက္ကသိုလ်တစ်ခုစီက ကိုယ်စားလှယ်တွေ ရွေးတဲ့အခါ ကျွန်တော်တို့ဘာမှ မသိရဘဲနဲ့ ကျောင်းအုပ်က ရွေးပြီးပြီလို့ ပြောတယ်။ အင်တာဗျူးခေါ်တာတွေလုပ်ပြီးမှ ရွေးချယ်သင့်တာ၊ ကျွန်တော်တို့ကို စာထွက်ပြီးပြောတာမဟုတ်ဘူး ။ နှုတ်နဲ့ပဲ ဒါကို ပြောတာ။ ပွင့်လင်းမြင်သာမှုမရှိတဲ့ စနစ်ကို အပြင်းအထန်ကန့်ကွက်တာပါ။ပခုက္ကူက သမဂ္ဂတွေ ထုတ်ပြန်ထားတာလည်းရှိပါတယ်။” လို့ ပခုက္ကူကွန်ပျူတာတက္ကသိုလ်ကျောင်းသားသမဂ္ဂဥက္ကဌ ကိုအောင်အောင်က ဓူဝံကို ပြောပါတယ်။
အဲ့ဒီလိုဆောင်ရွက်တာတွေကို ကွန်ပျူတာတက္ကသိုလ်(ပခုက္ကူ) ကျောင်းသားသမဂ္ဂအနေနဲ့ မိတ်ဖက်သမဂ္ဂတွေနဲ့ ချိတ်ဆက်ပြီးတော့ လုပ်ဆောင်မယ်လို့လည်း သဘောထားထုတ်ပြန်ထားပါတယ်။