"မီဒီယာတွေကိုရော ပြည်သူတွေကိုရော ဖုန်းတွေထားခဲ့ဖို့ပြောပါတယ်။ ဆိုလိုတာက ပြီးခဲ့တဲ့ အပတ်က ကိစ္စတွေကြောင့် ခုလို ပွင့်လင်းမြင်သာမှုမရှိအောင် လုပ်တာလို့ ထင်တယ်။"လို့ မန္တလေးမြို့က သတင်းထောက်တစ်ယောက်က Duwun ကိုပြောပါတယ်။

ဒီအမှုမှာ ပြီးခဲ့စက်တင်ဘာလ(၁၃)ရက်နေ့က ပထမအကြိမ် တရားရုံးထုတ်မှာ လုံခြုံရေးအကြောင်းပြချက်နဲ့ အိမ်စီးကားနဲ့ ရုံးထုတ်ခဲ့တာကြောင့် ကျောက်ဆည်ခရိုင်ရဲတပ်ဖွဲ့မှုးနဲ့ သေဆုံးသူရဲ့ဆွေမျိုးမိဘ၊ ကျောင်းသားတွေ ကြားအချေအတင်ဖြစ်ခဲ့သေးတယ်။

Photo - Win Myint San

လူထုကြားမှာတော့ ခုလို အိမ်စီးကားအကောင်းစား နဲ့ ရုံးထုတ်လာတဲ့အပေါ်မကျေနပ်ချက်တွေခဲ့ပြီး နောက်ပိုင်းမှာလည်း ရုံးထုတ်လာခဲ့တဲ့ ကားဟာ လိုင်စင်မဲ့ကားဖြစ်နေတယ်လို့ စစ်ဆေးပေါ်ပေါက်တာကြောင့်ပြဿနာတွေ ဖြစ်ခဲ့ပါသေးတယ်။

ကျောက်ဆည် နည်းပညာတက္ကသိုလ်က တတိယနှစ် Mechanical ကျောင်းသား မောင်နေမင်းထက်ကို သြဂုတ်(၂၉) ရက် ညပိုင်းက လူ ၃ယောက်က ဖုန်းလုယက်ဖို့ကြိုးစားရင်း ရိုက်နက်ထိုးကြိတ်ပြီးဓါးနဲ့ ထိုးသတ်ခဲ့တာကြောင့် နေရာမှာ တင်သေဆုံးခဲ့ပါတယ်။