Photo - Mandalay Police

အဆိုပါညက လူငယ်တစ်စု စကားများရန်ဖြစ်ကြောင်း သတင်းအရ အောင်မြေသာစံမြို့နယ်ရဲတပ်ဖွဲ့မှ သွားရောက်ထိန်းသိမ်းပြီး ဝမ်းဗိုက်တွင် ထိုးသွင်းဒဏ်ရာရရှိကို မန္တလေးဆေးရုံကြီးသို့ တင်ပို့ပေးပြီး အဲ့ဒီလူငယ်တွေထဲက အသက် ၁၈ နှစ်အရွယ် အောင်ပြည့်ဖြိုးကိုဖမ်းမိတာကြောင့် အမှတ်(၂)နယ်မြေရဲစခန်း (ပ)၄၀၆/၂၀၁၈၊ ရာဇသတ်ကြီးပုဒ်မ ၃၀၂/၁၁၄ အရ အမှုဖွင့်ခဲ့တယ်လို့သိရပါတယ်။

အဲ့ဒီနောက် ဒဏ်ရာရရှိသူအား သွားရောက်စစ်ဆေးရာ ကျော်ဇင်စိုးဖြစ်ကြောင်း၊ ၎င်းတွင် ရင်ဘတ်ဝဲဘက်ထိုးသွင်းဒဏ်ရာ ရရှိထားကြောင်း တွေ့ရှိရသဖြင့် စုံစမ်းရာ တစ်ရပ်တည်းနေ သူငယ်ချင်းများနှင့်အတူ ကျောက်တော်ကြီးဘုရားပွဲသို့ သွားရောက်လည်ပတ်ပြီး ပြန်ထွက်လာစဉ် ကျုံးအရှေ့မြောက်ထောင့် ၆၆ လမ်း၊ ၁၂x၁၃ လမ်းကြား အရောက်၌ လူတစ်စုနှင့် ဘုရားပွဲသွားသည့် ၎င်းတို့အဖွဲ့အတွင်းမှ တစ်ဦးတို့ ပုခုံးချင်းတိုက်မိရာက စတင်ခဲ့ကြောင်းသိရပါတယ်။

ပုခုံးချင်းတိုက်မိသည့် အဖွဲ့ဟာ ကျော်ဇင်စိုး တို့အဖွဲ့နောက်သို့ လိုက်လာပြီး အတူပါလာတဲ့ သူငယ်ချင်းတွေရဲ့မိန်းမတွေနဲ့ အောင်ကိုကိုခန့် ရဲ့အမေကို မကြားဝံ့မနာသာအောင် လိုက်လံ ပြောဆိုပြီး အခြေအနေတင်းမာ၍ ရုန်းရင်းဆန်ခတ်ဖြစ်စဉ်မှာ အဲ့ဒီအဖွဲ့ထဲက တစ်ယောက်က အသင့်ပါလာတဲ့ ဓါးဖြင့်ထိုးရာကနေ ကျော်ဇင်စိုးရဲ့ ရင်ဘတ်ဝဲဘက်ဒဏ်ရာရရှိခဲ့တာကြောင့် မန္တလေး ဆေးရုံကြီးသို့ တင်ပို့ရာ ည ၁၀ နာရီ ၂၅ အချိန် သေဆုံးခဲ့ပါတယ်။

တရားခံဖမ်းဆီးရမိရေး မန္တလေးတိုင်းဒေသကြီးရဲတပ်ဖွဲ့မှ စုံစမ်းဆောင်ရွက်ခဲ့ရာ ည ၁၁ နာရီအချိန် ဓါးဖြင့်ထိုးသူ ထက်နိုင်ဝင်း(ခ)ကုလား ၂၂ နှစ်၊ ပုဏ္ဏားကုန်းကျေးရွာ၊ ပုသိမ်ကြီးမြို့နယ် နေသူအား ၂၆x၈၄ လမ်းထောင့်၊ ဈေးချိုနာရီစင်အနီး၌ ဖမ်းဆီးရမိခဲ့ပြီး သက်သေခံဓါးအား ဆက်လက်သိမ်းဆည်း ရမိခဲ့ပါတယ်။

ဆက်လက်၍အမှုတွင်ပါဝင်ကျူးလွန်သူ ဇော်နိုင်ထွန်း(ခ)လေကြီး၊ ဇင်မျိုးဝင်း(ခ) ဂေါက်ကြီး၊ အောင်ဇင်မျိုး၊ ဝူးထက်ထက်၊ သော်ဇင်လတ်(ခ)သော်ကြီး၊ မြတ်စည်သူ(ခ)မဲကြီး၊ ဖြိုးငွေစိုး(ခ)ထော်ငြမ်း၊ ကျော်ခိုင်မွှေး(ခ)မွေးကြီး၊ ကျော်ကျော်ထက်၊ သူရထက်လင်း နှင့် ဘီးကုတ် တို့ ၁၁ ဦးအား ပုဏ္ဏားကုန်းကျေးရွာ၊ ပုသိမ်ကြီးမြို့နယ်၌ ထပ်မံဖမ်းဆီးရမိခဲ့ပါတယ်။

ကျန်တရားခံများအား ဖမ်းဆီးရမိရေးဆောင်ရွက်ခဲ့ရာအောက်တိုဘာ ၂၆ ရက်နေ့ နံနက်၂ နာရီ ၂၀ အချိန်က မင်းမင်းထွန်း(ခ)ဖြိုးသက်ဟိန်း၊ ဟိန်းထက်အောင် (ခ)နေထွန်းနိုင်၊ ဇော်ငြိမ်း၊ မိုးကြီး နှင့် မသိမ့်သိမ့်သူ တို့အား ပုဏ္ဏားကုန်းကျေးရွာက သူတို့ရဲနေအိမ်တွေမှာ အသီးသီးဖမ်းဆီးရမိခဲ့တာကြောင့် အမှုတွင်ပါဝင်သူ စုစုပေါင်း ၁၈ ဦးကို အမှုဖွင့် ဖမ်းဆီးစစ်ဆေးဆောင်ရွက်လျက်ရှိပါတယ်။