ဆိုင်ကယ်တူးဘောက်အတွင်းမှာထည့်ထားတဲ့ ငွေ ၁၉ သိန်းခိုးယူသွားတဲ့သူကို ဖမ်းမိခဲ့ပြီလို့ မန္တလေးတိုင်းဒေသကြီး ရဲတပ်ဖွဲ့က နိုဝင်ဘာ ၇ ရက်နေ့က သတင်းထုတ်ပြန်ပါတယ်။
Photo - Mandalay Police
ဖြစ်စဉ်ကတော့ နိုဝင်ဘာ ၅ ရက်မှာ မစုစုထွေးဆိုသူက မိခင်နဲ့အတူ ကမ္ဘောဇဘဏ်ကနေ ငွေလွှဲထုတ်ပြီး ၁၉ လမ်းနဲ့ ၆၂ လမ်းထောင့်မှာ ဒဂါၤးစားသုံးဆီနဲ့ဆိုင်ဆိုင်မှာ ဆန်ဝယ်နေစဉ် ဆိုင်ကယ်တူးဘောက်ထဲကနေ ငွေလုယူခံခဲ့ရတာဖြစ်ပါတယ်။
''အချိန်ကတကယ်သုံးမိနစ်အတွင်းမှာ အမေ့အတွက်ဆေးဝယ်ဖို့ိုဆိုပြီး ငွေထုတ်လာတယ်။ ထုတ်လာပြီးတဲ့ ဟာကို ဆိုင်ကယ်မှာခဏတင်ထားတဲ့အချိန်မှာ လူသုံးယောက်က ထုတ်သွားတာ။ ဘေးကလူတွေလည်းမြင်တော့ ဘာလို့ မတားတာလဲဆိုတော့ သူတို့က ဆိုင်ကယ်ကို ဘေးဘက်ကနေ လာကပ်နေတော့ တူတူပဲထင်လို့ ဆိုပြီးပြောတယ် ” လို့ အလုယူခံရသူ မဆုသီရိစံက Duwun ကိုပြောပါတယ်။
ခိုးယူသွားသူမှာ Click ဆိုင်ကယ်နှင့် CZI-125 ဆိုင်ကယ်စီးလာသူ အမည်မသိအမျိုးသား ၃ ဦးမှ ခိုးယူသွားတာကိုသိရှိပြီး အမှတ်(၁)နယ်မြေရဲစခန်း (ပ)၆၉၄/၂၀၁၈ ရာဇသတ်ကြီးပုဒ်မ ၃၇၉အရ အမှုဖွင့်ခဲ့ကြောင်း မန္တလေးတိုင်းရဲတပ်ဖွဲ့ထုတ်ပြန်ချက်အရသိရပါတယ်။
အဲဒီနောက် မန္တလေးရဲတပ်ဖွဲ့က စုံစမ်းရှာဖွေရာဒဂါၤးဆီဆိုင် အနီးအနားက CCTV မှတ်တမ်းတွေအရ ပြစ်မှုကျုးလွန်သူ ၃ ဦးကို စုံစမ်းခဲ့ရာ CZI-125 အနက်ရောင် ဆိုင်ကယ်စီးသူမှာ ပုသိမ်ကြီးမြို့နယ်မှာ နေထိုင်တဲ့စောမင်းဦး ဖြစ်ကြောင်း စုံစမ်းဖော်ထုတ်ခဲ့ပါတယ်။ နိုဝင်ဘာ ၆ ရက်နေ့ ညနေက မသကာၤတရားခံ စောမင်းဦးကို နေအိမ်မှာတွေ့ရှိပြီး ခိုးယူခဲ့ကြောင်း စစ်ဆေးပေါ်ပေါက်ခဲ့တာဖြစ်ပါတယ်။