ရန်ကုန်မြို့နဲ့ မန္တလေးမြို့ကြား ၇ နာရီ တည်းတဲ့ ရောက်ရှိနိုင်တဲ့ ရထားလမ်းဖြစ်ဖို့အတွက် အဆင့်မြှင့်တင်မှုတွေပြုလုပ်နေပြီဖြစ်တယ်လို့ ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီက သိရပါတယ်။
Photo - Myanmar Train
မြို့ကြီးနှစ်မြို့ကြားမှာ ရှိတဲ့ ရထားလမ်းပိုင်းကို အရင်က ရန်ကုန် - မန္တလေးခရီးစဉ်ကို ၁၅ နာရီလောက်ကြာရာကနေ ၇ နာရီလောက်နဲ့ ရောက်ရှိနိုင်မယ့် နည်းပညာကို ဂျပန်နိုင်ငံရဲ့အကူအညီနဲ့ စတင်ဆောင်ရွက်နေပြီဖြစ်တယ်လို့ JICA က တာဝန်ရှိသူတစ်ဦးက Duwun ကိုပြောပါတယ်။
"စီမံကိန်းကာလက ၅ နှစ်လောက်ကြာနိုင်ပါတယ်။ ဒါပြီးရင်တော့ ရန်ကုန် နဲ့ မန္တလေးကြားမှာ ကုန်စည်စီးဆင်းမှုတွေ ခရီးသွားလာမှုတွေက တော်တော်မြန်သွားပါလိမ့်မယ်။"လို့ သူကပြောပါတယ်။
ရန်ကုန်- မန္တလေးရထားလမ်းသည် ကီလိုမီတာ ၆၂၀ ရှည်လျားပြီး အဆင့်မြှင်တင်မှုလုပ်ငန်းစဉ်တွေကို တပတ်အတွင်းစတင်ဆောင်ရွက်ဖို့ မြန်မာ့မီးရထား ကတာဝန်ရှိသူတွေနဲ့လည်း ပူးပေါင်းဆောင်ရွက်နေတယ်လို့သိရပါတယ်။
ဂျပန်အစိုးရဟာ မြန်မာနိုင်ငံက မီးရထားလမ်းတွေအဆင့်မြှင့်တင်ဖို့အတွက် ဒေါ်လာ သန်း ၉၀၀ ထောက်ပံ့ပေးထားသလို ရန်ကုန်မှာ ရှိတဲ့ သီလဝါဆိပ်ကိမ်း၊ ရန်ကုန်မြို့ဖွံ့ဖြိုးရေးနှင့် ဆိပ်ကမ်းများဖွံ့ဖြိုးရေး၊ လျှပ်စစ်နဲ့ အခြေခံ အဆောက်အအုံပိုင်းတိုးတက်ရေးအတွက်လည်း ထောက်ပံ့ကူညီနေတယ်လို့သိရပါတယ်။