Photo - Win Myint San
ကျူးလွန်သူတရားခံ ၃ ဦးအနက် ဓားနဲ့ ထိုးသတ်ခဲ့သူ အောင်သူဟိန်းကို သေဒဏ်ချမှတ်ခဲ့ပြီး ကျူးလွန်ရာမှာ ပါဝင်သူနှစ်ယောက်ဖြစ်တဲ့ အလီဘိုင်(ခ)မင်းခန့်ကျော်ကို ထာင်ဒဏ် ၂၁နှစ် နဲ့ မင်းချစ်အောင်(ခ)ဖိုးချစ် ကို ခရိုင်တရားရုံးကနေ ထောင်ဒဏ် ၂၀ နှစ်စီ အသီးသီးပြစ်ဒဏ်တွေချခဲ့တယ်လို့ တရားလိုရှေ့နေဦးသူရထွန်းက Duwun ကိုပြောပါတယ်။
ကျူးလွန်သူတရားခံ ၃ ဦးဖြစ်သော တရားခံအလီဘိုင်(ခ)မင်းခန့်ကျော်အား ရာဇသတ်ကြီးဥပဒေ ပုဒ်မ ၃၀၂(၁)(ဂ)/၁၁၄၊ ၃၂၃ အရ၊ တရားခံ အောင်သူဟိန်းကို ရာဇသတ်ကြီးဥပဒေ ပုဒ်မ ၃၀၂(၁)(ဂ)အရ၊ တရားခံ မင်းချစ်အောင်(ခ)ဖိုးချစ်ကို ရာဇသတ်ကြီးဥပဒေ ပုဒ်မ ၃၀၂(၁)(ဂ)/၁၁၄ အရ၊ အသီးသီးစွဲချက်တင်ခဲ့ပြီး တရားခံပြသက်သေများကို ဆက်လက်စစ်ဆေးခဲ့ပြီးနောက် နိုဝင်ဘာ ၁၉ ရက်နေ့မှာ ကျောက်ဆည်ခရိုင်တရားရုံးက အမိန့်ချမှတ်လိုက်တာလည်းဖြစ်ပါတယ်။
ကျောက်ဆည် နည်းပညာတက္ကသိုလ်က တတိယနှစ် Mechanical ကျောင်းသား မောင်နေမင်းထက်ကို သြဂုတ်(၂၉) ရက် ညပိုင်းက လူ ၃ယောက်က ဖုန်းလုယက်ဖို့ကြိုးစားရင်း ရိုက်နက်ထိုးကြိတ်ပြီးဓါးနဲ့ ထိုးသတ်ခဲ့တာကြောင့် နေရာမှာ တင်သေဆုံးခဲ့ပါတယ်။