အဲဒီပွဲမှာ လက်ရှိအောင်မြင်နေတဲ့ လူငယ်စွန့်ဦးတီထွင်လုပ်ငန်းရှင်တွေဖြစ်တဲ့ ကိုဝေဖြိုး၊ ကိုမျိုးသန်းထွန်း နဲ့ ကိုဉာဏ်လင်းဖြိုးတို့ ပါဝင်ဆွေးနွေးခဲ့ကြပြီး မစန္ဒီအောင်က ဆွေးနွေးကိုပွဲပံ့ပိုး တင်ဆက်သူအဖြစ်နဲ့ အကောင်းဆုံး ဆောင်ရွက်သွားခဲ့ပါတယ်။ နှစ်နာရီကြာမြင့်တဲ့အဲဒီဆွေးနွေးပွဲအတွင်းမှာ ပါဝင် ဆွေးနွေးသူတွေဟာ သူတို့လက်တွေ့ ဖြတ်သန်းခဲ့ရတဲ့အတွေ့အကြုံတွေနဲ့ ဆွေးနွေးပွဲတက်ရောက်နားထောင်သူတွေ အတွက် အသုံးဝင်မယ့် သတင်းအချက် အလက်တွေကို မျှဝေပေးခဲ့ကြပါတယ်။ ဆွေးနွေးပွဲမှာ ဟောပြောဆွေးနွေးခဲ့ကြတာ တွေကို အနှစ်ချုပ်ဖော်ပြ ရမယ်ဆိုရင် -

- ရှုံးနိမ့်မှုတွေဆိုတာ စွန့်ဦးတီထွင်လုပ်ငန်းခရီးကြမ်းရဲ့ အစိတ်အပိုင်းတစ်ရပ်ပဲဖြစ်ပါတယ်။ ရှုံးနိမ့်မှုတွေဆိုတာ အောင်မြင်မှုဆီသွားရာလမ်းအတွက် အကောင်းဆုံး ဆရာတွေပါ။

- စွန့်ဦးတီထွင်သူတစ်ယောက်မှာရှိရမယ့်အရေးအကြီးဆုံးအရာက ဆန္ဒပြင်းပြမှုပါပဲ။ ကိုယ်လုပ်နေတာကို ကိုယ်ချစ်ဖို့ လိုပါတယ်။

- အရင်းအနှီးလည်းမရှိဘူး၊ မိသားစုနောက်ခံလည်းမရှိဘူးဆိုရင် ၃၊ ၄ နှစ်လောက် ဝန်ထမ်းလုပ်ပါ။ အဲဒီလိုလုပ်တဲ့အတွက် အတွေ့အကြုံရော၊ ပိုက်ဆံပါရမယ့်အပြင် လုပ်ငန်းတစ်ခုဘယ်လို လည်ပတ်သလဲဆိုတာကိုပါ သိလာပါလိမ့်မယ်။

- အရင်းအနှီးရော၊အတွေ့အကြုံပါမရှိတဲ့လူတွေအတွက် အသင့်လျော်ဆုံးလုပ်ငန်းတွေကတော့ ဝန်ဆောင်မှုလုပ်ငန်းတွေ ပါပဲ။

အထက်ပါအချက်တွေအပြင် ကိုယ်ပိုင်စီးပွားရေးလုပ်ငန်းတစ်ခုစတင်မယ့် ၊ စတင်ဖို့အတွက်ရည်ရွယ်နေတဲ့ လူငယ်တွေ အတွက် လက်တွေ့အသုံးကျမယ့် အကြောင်းအရာတွေနဲ့ အချက်အလက်တွေကိုလည်း ဦးဆောင်ဆွေးနွေးသူတွေဖြစ်တဲ့ ကိုဝေဖြိုး၊ ကိုမျိုးသန်းထွန်း နဲ့ ကိုဉာဏ်လင်းဖြိုးတို့က ဆွေးနွေးပြောကြားခဲ့ကြပါတယ်။