ပထမအကြိမ်မြောက်ဖြစ်တဲ့ရုံးထုတ်စစ်ဆေးရာမှာတော့ တရားလိုဖြစ်သူ ရန်ကုန်တိုင်းဒေသကြီးအစိုးရအဖွဲ့က ညွှန်ကြားရေးမှုး ဦးအောင်ကျော်ခိုင်ကို စတင်စစ်ဆေးခဲ့ပါတယ်။

ဒီနေ့ုရုံးထုတ်ရာမှာတော့ အချုပ်လွတ်ထုချေခွင့် (အာမခံ)ကို တာမွေမြို့နယ်တရားသူကြီးထံကို လျှောက်ထားခဲ့တာဖြစ်ပြီးတော့ လာမယ့်ရုံးချိန်းမှာ အာမခံပေးမပေးကို အဆုံးအဖြတ်ပေးမှာဖြစ်တယ်လို့ သိရပါတယ်။

အောက်တိုဘာ ၂၆ ရက်နေ့ူမှာ နောက်ထပ်ရုံးချိန်းကို ချိန်းဆိုခဲ့တာဖြစ်ပြီးတော့ တရားလိုကိုပဲဆက်လက်စစ်ဆေးမှာဖြစ်တယ်လို့ သိရပါတယ်။

Eleven Media-Group မှ အယ်ဒီတာချုပ် ကိုကျော်ဇော်လင်း၊ တာဝန်ခံအယ်ဒီတာ ကိုနရီမင်းနဲ့ သတင်းထောက်ချုပ် ကိုဖြိုးေ၀၀င်းတို့ကိုတိုင်း အစိုးရက အောက်တိုဘာ ၈ ရက်ထုတ် Weekly Eleven ဂျာနယ် စာမျက်နှာ ၂၆ မှာဖော်ပြထားတဲ့ ဆောင်းပါးနဲ့ ပတ်သတ်ပြီးန နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ) နဲ့ တရားစွဲ ဆိုခဲ့တာဖြစ်ပါတယ်။

အဲ့ဒါနဲ့ပါတ်သတ်ပြီးတော့ အယ်ဒီတာချုပ် ကိုကျော်ဇော်လင်း၊ တာဝန်ခံအယ်ဒီတာ ကိုနရီမင်းနဲ့ သတင်းထောက်ချုပ် ကိုဖြိုးေ၀၀င်းတို့ကို အဆိုပါ သတင်းသမား ၃ ဦးမှာ အင်းစိန်အကျဉ်းထောင်ကို ပို့ဆောင်ထားတာဖြစ်ပါတယ်။