မြန်မာ့ဒီမိုကရေစီအသွင်ကူးပြောင်းရေးကို ပံ့ပိုးကူညီဖို့  EUက ယူရိုငွေ ၁၄သန်းထောက်ပံရေးသဘောတူညီချက်ကို စီမံကိန်းနဲ့ ဘဏ္ဍာရေးဝန်ကြီးဌာနနဲ့ ဥရောပသမဂ္ဂတို့အကြား သဘောတူလက်မှတ်ရေးထိုးခဲ့ပါတယ်။

  အဲဒီ ထောက်ပံ့ငွေကို STEP2Democracy” နှင့် “MyGovernance” စီမံကိန်းနှစ်ခုတို့မှတစ်ဆင့်ကူညီသွားမှာဖြစ်ပြီး မြန်မာနိုင်ငံမှာ စီမံအုပ်ချုပ်ရေးစွမ်းရည်တွေ၊ မူဝါဒရေးဆွဲထုတ်လုပ်မှုနှင့် တရားဥပဒေဆိုင်ရာပြုပြင်ပြောင်း လဲရေးတွေ ပိုမိုအားကောင်းလာစေဖို့ အဓိကကျတဲ့ ဌာန၊အဖွဲ့အစည်းများနှင့် ပူးပေါင်းဆောင်ရွက်သွားမယ်လို့ သိရပါတယ်။

  စီမံကိန်းနဲ့ ဘဏ္ဍာရေးဝန်ကြီးဌာနနဲ့ ဥရောပသမဂ္ဂတို့အကြား အဆိုပါငွေကြေးထောက်ပံပေးရေး သဘောတူညီမှုလက်မှတ်ရေးထိုးခြင်းကို ဇူလိုင် ၁၀ ရက်နေ့က ပြုလုပ်ခဲ့တာဖြစ်ပါတယ်။

Photo - Ministry of Planning and Finance

“ဒီအစီအစဉ်ရဲ့ ခြုံငုံရည်မှန်းချက်ကတော့ မြန်မာ့ဒီမိုကရေစီအသွင်ကူးပြောင်းမှု ရေရှည်ခံ စေဖို့အရေးပါလှတဲ့ ဌာန၊ အဖွဲ့အစည်းတွေရဲ့ နိုင်ငံရေးနဲ့ အရပ်ဖက် မြို့ပြစွမ်းဆောင်ရည်တွေ ပိုမိုအားကောင်း လာစေဖို့ပဲဖြစ်ပါတယ်။” စီမံကိန်းနှင့်ဘဏ္ဍာရေးဝန်ကြီး အမြဲတမ်းအတွင်းဝန် ဦးထွန်း ထွန်းနိုင်က ပြောပါတယ်။

STEP2Democracy စီမံကိန်းက အဓိကအနေနဲ့ ရွေးကောက်ပွဲစနစ်ပြုပြင်ပြောင်းလဲရေးနှင့် ၂၀၁၀ ရွေးကောက်ပွဲ မတိုင်ခင်ကာလမှာ ရွေးကောက်ပွဲလုပ်ငန်းစဉ် တိုးတက်စေဖို့ ပြည်ထောင်စု ရွေးကောက်ပွဲကော်မရှင်နဲ့ အခြားသက်ဆိုင်နေသူတွေကို ကူညီသွားမှာဖြစ်တယ်လို့ အီးယူသံရုံးဖွံ့ဖြိုးမှုပူးပေါင်းဆောင်ရွက်ရေးဆိုင်ရာ အကြီးအကဲနှင့် သံရုံးယာယီတာဝန်ခံ ဒေါက်တာ ဂျိုဟန်း ဟက်ဆေးက ပြောပါတယ်။

ဥရောပသမဂ္ဂအနေနဲ့ မြန်မာနိုင်ငံ၏ဒီမိုကရေစီအသွင်ကူးပြောင်းမှုနှင့် အစိုးရနှင့်စီမံအုပ်ချုပ်ရေးဌာန၊ အဖွဲ့အစည်းများဖွံ့ဖြိုးတိုးတက်ရေးအတွက် ၂၀၁၃ ခုနှစ်မှစတင်၍ ပံ့ပိုးကူညီခဲ့ပြီး ယခုငွေကြေး ထောက်ပံ့ပေးမှုသဘောတူညီချက်အသစ်မှာလည်း အဲဒီအကူအညီကို ဆက်လက် ဖော်ဆောင်ဖို့ဖြစ်တယ်လို့ သိရပါတယ်။