ရေဘေးသင့် မြို့နယ်ပေါင်း ၁၈ ခုက ပြည်သူတွေအနေနဲ့ ရက်ပေါင်း ၃၀ အထိအသုံးပြုနိုင်မယ့် MPT ဖုန်းအချင်းချင်း မိနစ် ၃၀ စာ အခမဲ့ခေါ်ဆိုခွင့်ကို ရက်ပေါင်း ၃၀ အထိပေးသွားမယ်လို့ MPT ဆက်သွယ်ရေးအော်ပရေတာက ထုတ်ပြန်ကြေငြာပါတယ်။
ဖုန်းအခမဲ့ပြောဆိုနိုင်မည့် မြို့နယ်များ (Source - MPT)
MPT အနေနဲ့ ရေဘေးသင့်ပြည်သူတွေ သူတို့ရဲ မိသားစုဝင်တွေနဲ့ အဆက်အသွယ်မပြတ်စေဖို့နဲ့ အရေးပေါ် ကယ်ဆယ်ရေးလှုပ်ရှားမှုအဖွဲ့တွေဆီကို ဆက်သွယ်နိုင်ဖို့အတွက် ကူညီပေးတာလို့ဆိုပါတယ်။
ရေဘေးသင့်ခဲ့သည့် မြို့နယ် ၁၈ ခုက MPT သုံးစွဲသူတွေအနေနဲ့ ဒီနေ့ သြဂုတ်လ ၃ ရက်နေ့က စတင်ပြီး မိနစ်(၃၀) အခမဲ့ဖုန်းခေါ်ဆိုခွင့်ကို ရရှိမှာဖြစ်ပြီး မည်သည့်MPTဖုန်းကိုမဆိုခေါ်ဆိုနိုင်မယ်လို့ MPT ရဲ့Website မှာ တရားဝင်ကြေငြာထားပါတယ်။
Photo - Myanmar Fire Service Department
အဲ့ဒီဒေသများက MPT သုံးစွဲသူတွေဟာ အခမဲ့ ဖုန်းခေါ်ဆိုခွင့်ကို လျှောက်ထားရယူဖို့မလိုဘဲ အလိုအလျောက်ရရှိအသုံးပြုနိုင်မှာဖြစ်ပြီး အသုံးပြုနိုင်ပြီဖြစ်ကြောင်းကိုလည်း MPT ကနေ စာတို(SMS) ပေးပို့ အသိပေးသွားမယ်လို့ဆိုပါတယ်။
MPT-KSGM Joint Operations လုပ်ငန်းလည်ပတ်မှုဌာနရဲ့ ဒုတိယအရာရှိချုပ်ဖြစ်သူ ဦးနိုင်ကိုကို က “ရေဘေးသင့်ဒေသတွေဖြစ်ခဲ့ရတဲ့ မွန်၊ ကရင် နဲ့ ပဲခူးတိုင်း(အရှေ့)က ပြည်သူတွေအတွက် MPT က အားလုံးနဲ့ထပ်တူ စိတ်မကောင်းဖြစ်မိပါတယ်။ MPT ဟာ ပြည်သူတွေရဲ့ လိုအပ်ချက်တွေကို တတ်နိုင်သမျှ ဖြည့်ဆည်းပေးဖို့ အမြဲအသင့်ရှိနေတာပါ။ အခုလိုမျိုး သဘာဝဘေးအန္တရာယ်တွေ ကျရောက်နေတဲ့ အချိန်မှာ ဆက်သွယ်ရေးဟာ အင်မတန်အရေးကြီးမယ်ဆိုတာကို ကျွန်တော်တို့ MPT အနေနဲ့ ယုံကြည်ထားပါတယ်။"လို့ ပြောပါတယ်။