Local News: မြန်မာလူငယ်တွေအတွက် Telenor က စီမံကိန်းစီမံခန့်ခွဲမှုသင်တန်းဖွင့်မည်

သင်တန်းသားများကို ထောက်ပံ့ငွေ ပေးအပ်သွားမှာပါ။

Telenor Myanmar နဲ့ Network Activities Group (NAG)၊ အစိုးရရဲ့ကျေးလက်ဒေသဖွံ့ဖြိုးတိုးတက် ရေးဦးစီးဌာနတို့ ပူးပေါင်းပြီး မြန်မာလူငယ်များအတွက် စီမံကိန်း စီမံခန့် ခွဲမှုသင်တန်း ဖွင့်လှစ်သွားတော့မယ်လို့ သိရပါတယ်။

play

 

ယခုသင်တန်းဟာ အပတ်စဉ် (၇) ဖြစ်ပြီး စက်တင်ဘာလ ၂၂ ရက်နေ့ မှာ စတင်သွားမှာပါ။ ဒီသင်တန်းမှာ ဖွံ့ဖြိုးတိုးတက်မှုဆိုင်ရာ သီအိုရီနှင့် အယူအဆများ၊ စီမံကိန်းစီမံခန့်ခွဲမှု၊ ပတ်ဝန်းကျင်ထိန်းသိမ်း စောင့်ရှောက်မှုနှင့် စီမံခန့်ခွဲမှု၊ သဘာဝ သယံဇာတ ထိန်းသိမ်းစောင့်ရှောက်မှု၊ စီးပွားရေးအပေါ်သက်ရောက်သော နိုင်ငံရေးရာများကို ဆန်းစစ်လေ့လာမှု၊ အခြေခံလူမှုအဆောက်အအုံ ဖွံ့ဖြိုးတိုးတက်မှု၊ သဘာဝဘေးအန္တရာယ် လျှော့ချမှုနှင့် ပြန်လည်နေရာချထားမှု ပါဝင်ဆောင်ရွက်နိုင်မည့် ပုံစံများ၊ ဆက်သွယ်ရေးဆိုင်ရာ ဖွံ့ဖြိုးတိုးတက်မှုနှင့် ဖွံ့ဖြိုးရေးတွင် လူအများလက်ခံပါဝင်လာစေခြင်း စတဲ့ ဘာသာရပ်များ ပါဝင်မှာ ဖြစ်ပါတယ်။

 

တစ်လတာ ကြာမြင့်တဲ့ ဒီသင်တန်းပြီးဆုံးချိန်မှာတော့ ထူးချွန်သင်တန်းသားများဟာ ခြောက်လကြာ အလုပ်သင်အစီအစဉ်တွေမှာ ပါဝင်ခွင့်ရမှာ ဖြစ်ပါတယ်။ သင်တန်းကာလအတွင်း သင်တန်းတက်ရောက်သူ သင်တန်းသားများကို ထောက်ပံ့ငွေ ပေးအပ်သွားမှာ ဖြစ်ပြီး ဘွဲ့ရပြီးသူအသက် ၂၀ မှ ၃၅ နှစ်ကြားလူငယ်များ တက်ရောက်နိုင်တယ်လို့ ဆိုပါတယ်။ သင်တန်းကြေးအနေနဲ့ တက်ရောက်သူတစ်ဦးကို တစ်သိန်းကျပ်ဖြစ်ပြီး တက်ရောက်သူတိုင်းအတွက် နေရာထိုင်ခင်း အခမဲ့ ၊ ပညာသင်ထောက်ပံ့ကြေး ၅၀၀၀၀ ကျပ်ပေးသွားမယ်လို့ လည်း သိရပါတယ်။

ဒီသင်တန်းကို တက်ရောက်လိုတယ်ဆိုရင်တာ့ စက်တင်ဘာ ၁၇ ရက်၊ ၂၀၁၇ ခုနှစ် နောက်ဆုံးထားပြီး nagmyanmar.pcm@gmail.com သို့ဖြစ်စေ၊ ဖုန်းနံပါတ် 09-966554824၊ 09-256334206 နဲ့ 09-450694361~65 သို့ဖြစ်စေ ဆက်သွယ် လျှောက်ထားနိုင်တယ်လို့ သိရပါတယ်။

Postby

 

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ