AD
AD
AD
play

 

ရာသီဥတုအခြေနေတွေနဲ့ ဒေသခံပြည်သူတွေရဲ့တောင်းဆိုမှုတွေကြောင့် Yangon Water Bus တွေကို ရန်ကုန်-ဒလ ဆိပ်ကမ်းတွေဖြစ်တဲ့ သမ္မတကမ်းခြေ-ဗိုလ်တစ်ထောင်- အံ့ကြီး - ပန်းဆိုးတန်း ခရီးစဉ်တွေကို ဇွန်လ ၂၂ ရက်နေ့ကစပြီး ပြေးဆွဲပေးသွားမယ်လို့ ဒလမြို့နယ် တိုင်းဒေသကြီး လွှတ်တော်ကိုယ်စားလှယ် ဦးထွန်းရင်က ပြောပါတယ်။

" နောက်ဆုံးအခြေနေက ဂျက်တီတွေမှာ လက်မှတ်ရုံတွေဆောက်တာတွေ၊ အမိုးအကာနဲ့ လက်တန်းတွေ တပ်ဆင်နေတာကို ဇွန်လ ၁၇ ရက်နေ့က စပြီးလုပ်နေပြီ။ လက်ရှိအချိန်မှာ သမ္မတကမ်းခြေ ဂျက်တီရယ်၊ အံ့ကြီးကမ်းခြေက ဂျက်တီတွေကို ပြုပြင်နေတယ် လာမယ့် ဇွန်လ ၂၂ နေ့မှာ Water Bus တွေစပြေးမယ်"လို့ ဦးထွန်းရင်က ဓူဝံ မီဒီယာကို ပြောပါတယ်။

လက်ရှိအချိန်မှာတော့ စမ်းသပ်တဲ့အနေနဲ့ တနေကုန် ပြေးဆွဲပေးဦးမှာမဟုတ်ဘဲ လူအသွားအလာများတဲ့ မနက် ၇ နာရီလောက်ကနေ နေ့လည် ၁၁ နာရီ၊ ညနေ ၃ နာရီကနေ ည ၈ နာရီလောက်အထိ Water Bus ရှစ်စီးနဲ့ နာရီဝက်တစ်ခေါက်နှုန်း ပြေးဆွဲပေးဖို့ စီစဉ်ထားတယ်လို့ ဆိုပါတယ်။

play

 

လောလောဆယ်မှာတော့ အဆိုပါဆိပ်ခံတံတားတွေကိုပဲပြေးဆွဲပေးသွားမှာဖြစ်ကာ နောက်ပိုင်းမှာ ရေကန်ဆိပ်-မော်တင်-ဆာပါချောင်-လမ်းသစ် ဆိပ်ခံတွေကိုပါ ပြေးဆွဲပေးသွားမယ်လို့ သိရပါတယ်။

"ဒီလိုပြေးဆွဲတာက ဒေသခံပြည်သူလူထုရဲ့တောင်းဆိုမှုအရ စီစဉ်ပေးဖြစ်တာပါ။ ညဘက်အလုပ်ပြန်နောက်ကျတဲ့ သူတွေအတွက် သမ္ဗန်မရှိတာတွေဖြစ်တတ်တော့ သူတို့က ည ၁၁ နာရီလောက်အထိ ပြေးဆွဲပေးဖို့ တောင်းဆိုတာတွေရှိနေတယ်"လို့ ဦးထွန်းရင်က ပြောပါတယ်။

ဇွန်လ ၁၃ ရက်နေ့ ည ၈ နာရီလောက်က ရန်ကုန် မော်တင် စဥ့်အိုးတန်း သမ္ဗန်ဆိပ်ကနေ ဒလဘက်ကမ်း ကမာကသွယ် သမ္ဗန်ဆိပ်ကို ထွက်ခွာလာတဲ့ ခရီးသည်တင်သမ္ဗန် နစ်မြုပခဲ့လို့ မောင်းနှင်သူအပါအဝင် လိုက်ပါလာသူ ၁၂ ဦးက ရှစ်ဦးကို ကယ်တင်နိုင်ခဲ့ပြီး လေးဦး ပျောက်ဆုံးခဲ့ကာ ဇွန်လ ၁၈ ရက်နေ့က နှစ်ဦးရဲ့အလောင်းကို ပြန်ရှာတွေ့ခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD
More From

Local News


AD