Odd News: ကြောင် ၃၉ ကောင်ကို ပြုစုစောင့်ရှောက်ရန်ပျက်ကွက်တဲ့ အမျိုးသမီး ထောင်ကျ

ဝင်ရောက်စစ်ဆေးမှုအရ နေအိမ်အတွင်း ညစ်ပတ်နေတဲ့ ကြောင်တွေကို လှောင်အိမ်များထဲမှာ တွေ့ခဲ့ရပြီး ကြောင်အားလုံးဟာ ကျန်းမာရေးမကောင်းတဲ့ လက္ခဏာဖြစ်နေပါတယ်။

play


စင်ကာပူနိုင်ငံမှ အမျိုးသမီးတစ်ဦးကို သူမရဲ့ အိမ်မွေးကြောင် ၃၉ ကောင်အား ပြုစုစောင့်ရှောက်ရန် ပျက်ကွက်မှုဖြင့် နိုဝင်ဘာ ၇ ရက်မှာ ထောင်ဒဏ်နှစ်ပတ် ချမှတ်လိုက်ကြောင်း သိရပါတယ်။ ဒါ့အပြင် ရော့စ်လီနာ ရော့စ်လင်းအမည်ရှိ အသက် ၃၄ နှစ်အရွယ် အဆိုပါ အမျိုးသမီးဟာ အခြား မူးယစ်ဆေးမှုများနဲ့လည်း ရင်ဆိုင်ခဲ့ရပြီး စုစုပေါင်း ထောင်ဒဏ် ၅ နှစ်ခွဲကျော် ကျခံရမှာ ဖြစ်ပါတယ်။

play


သူမရဲ့နေအိမ်ကို စင်ကာပူ Agri-Food & Veterinary Authority (AVA) က ယခုနှစ် ဖေဖေါ်ဝါရီ ၂၅ ရက်မှာ ဝင်ရောက်စစ်ဆေးခဲ့တာ ဖြစ်ပါတယ်။ ပတ်ဝန်းကျင်မှာ နေထိုင်သူတွေက အဆိုပါ အမျိုးသမီးနေအိမ်မှ ကြောင်ချေးနံ့များ ထွက်နေကြောင်း ပြောကြားမှုတွေ ရှိခဲ့ရာမှ သက်ဆိုင်ရာက ဝင်ရောက်စစ်ဆေးခဲ့ပါတယ်။

ဝင်ရောက်စစ်ဆေးမှုအရ ရော့စ်လင်းရဲ့ နေအိမ်အတွင်း ညစ်ပတ်နေတဲ့ ကြောင်တွေကို လှောင်အိမ်များထဲမှာ တွေ့ခဲ့ရပြီး ကြောင်အားလုံးဟာ ကျန်းမာရေးမကောင်းတဲ့ လက္ခဏာဖြစ်နေပါတယ်။

ဝင်ရောက်စစ်ဆေးပြီး မကြာမီမှာပင် ကြောင်လေးကောင် သေဆုံးသွားခဲ့ပြီး ကျန်ရှိတဲ့ ကြောင်တွေကို Cat Welfare Society (CWS) သို့ လွှဲပြောင်းပေးခဲ့ကြောင်း သိရပါတယ်။ ရော့စ်လင်းကို ပြစ်ဒဏ်ချမှတ်မှုဟာ အိမ်မွေးတိရစ္ဆာန်တွေကို လစ်လျူရှုထားပါက ပြစ်မှုမြောက်ကြောင်း အများပြည်သူကို သိစေခဲ့တယ်လို့ AVA က ပြောပါတယ်။
Source & Photo: CNA

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ