Odd News: ကျူးဘားက ကွန်ဒုံးနဲ့ ငါးမျှားနည်း

ရေထဲမှာ ငါးစာကို ပေ ၉၀၀ ထိမျှောနိုင်ကာ ငါးလာဟပ်သွားတဲ့အခါ ကြိုးကို ပြန်ရစ်ရုံပဲ ဖြစ်ပါတယ်။

play

 

ကွန်ဒုံးကို သားဆက်ခြားဖို့ ကမ္ဘာတစ်ဝန်းက သုံးစွဲနေကြချိန်မှာ ကျူးဘားရဲ့ တစ်နေရာမှာတော့ ငါးမျှားဖို့ အသုံးချနေပါတယ်။

ရေလမ်းကြောင်းကနေ အမေရိကန်ကို တရားမဝင်ဝင်ရောက်မှုတွေကြောင့် ကျူးဘားအစိုးရဟာ လှေပိုင်ဆိုင်မှုနဲ့ပတ်သက်ပြီး တင်းကြပ်စွာ ထိန်းချုပ်ထားတာဖြစ်ပါတယ်။  ဒီအခါမှာ လှေမလိုတဲ့ ဘောလုံးငါးဖမ်းနည်း ဒါမှမဟုတ် ကွန်ဒုံးငါးဖမ်းနည်းဟာ ဝေးဝေးလံလံထိ သွားရောက်ဖမ်းဆီးနိုင်ကာ ထိရောက်မှုလည်း ရှိပါတယ်။ ကွန်ဒုံးကို ပူဖောင်းလုပ်ပြီး ရေထဲမှာ ငါးစာကို ပေ ၉၀၀ ထိမျှောနိုင်ကာ ငါးလာဟပ်သွားတဲ့အခါ ကြိုးကို ပြန်ရစ်ရုံပဲ ဖြစ်ပါတယ်။

အဆိုပါ လွယ်ကူထိရောက်တဲ့နည်းကြောင့် ငါးဖမ်းရာသီရောက်တဲ့အခါ ကျူးဘားနိုင်ငံတွင်း ကွန်ဒုံးရောင်းချမှုဟာ မြင့်တက်သွားလေ့ရှိပါတယ်။ ငွေကြေးအနည်းငယ်ကိုသာ သုံးရတဲ့ အဆိုပါနည်းဟာ ဒေါ်လာ ၁၀ တန်ကနေ ၂၀ တန်တဲ့ထိ ငါးအမျိုးမျိုးကို ဖမ်းဆီးရမိတာလည်း ဖြစ်ပါတယ်။

Photos & Source: Canoe, PRI, On Cuba

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ