AD
AD
AD

ကျောင်းသားသမဂ္ဂမှာပါနေလို့ တပ်မှာ ၀င်ထွက်သွားလာခွင့်ပိတ်ပင်ခံရတဲ့ ပခုက္ကူတက္ကသိုလ်ကျောင်းသားသမဂ္ဂအထွေထွေအတွင်းရေးမှုး ကိုသက်မောင်မောင်က ကျောင်းသားသမဂ္ဂလုပ်ငန်းတွေကို ဆက်လုပ်ကိုင်သွားမယ်လို့ ဒီနေ့ မတ်လ ၁၅ ရက်နေ့မှာ အဲ့ဒီကျောင်းသားက Myanmar Now ရုံးခန်းမှာ သတင်းစာရှင်းလင်းခဲ့ပါတယ်။

play

 

‘နိုင်ငံသားအခွင့်အရေးတွေအများကြီးချိုးဖောက်ခံရတယ်လို့ မြင်တယ်။ကျွန်တော်တို့က တပ်မတော်ကာကွယ်ရေးစီးချုပ်ရုံးနဲ့ အတိုင်ပင်ခံပုဂ္ဂိုလ်ဆီအိတ်ဖွင့်စာပေးဖို့လုပ်ခဲ့ပါသေးတယ်။ဒါပေမယ့် ကြောငြာချက်ထုတ်ပြန်ပြီးတဲ့အခါ လွဲမှားတဲ့ ချက်တွေရှိနေတာကြောင့် ကျွန်တော်တို့ အများပြည်သူသိအောင်

ဒီလို သတင်းစာရှင်းလင်းပွဲလုပ်ရတာဖြစ်ပါတယ်’ လို့ ကိုအောင်ခိုင်မင်း - ပခုက္ကူကျောင်းသာားသမဂ္ဂ ဥက္ကဌက ပြောပါတယ်။

‘ဆန္ဒပြတဲ့ကျောင်းသားတွေနဲ့ပါဝင်ပတ်သတ်မှုမရှိရေးဆိုပြီးခံဝန်ကတိလက်မှတ်ခေါ်ထိုးခိုင်းတယ်။ကျွန်တော်ဆန္ဒပြတာတွေဘာတွေမရှိခဲ့ဖူးဘူး။နောက်ပြီးကျွန်တော်က နိုင်ငံရေးတွေ၊ ပါတီတွေဝင်တာလည်းမဟုတ်ဘူး ။ကျောင်းသားထုအရေးကို ဆောင်ရွက်နေတဲ့ ကျောင်းသားသမဂ္ဂမှာပဲ တာဝန်ယူနေတာ။  နောက်ပြီးကျွန်တော်ဆန္ဒပြခဲ့တာတွေလည်းမရှိပါဘူး။ ကျွန်တော်အခု အဲ့လို တပ်တွင်းကနေ၀င်ထွက်ခွင့်ပိတ်ပြီး မိဘနဲ့နေထိုင်ခွင့်မရှိတော့တဲ့အတွက် ကျွန်တော့်ပညာရေးနဲ့ ကျွန်တော့်ရဲ့ နေထိုင်မှုအတွက်အခက်အခဲရှိပါတယ်’ လို့ပခုက္ကူတက္ကသိုလ်မှာ ရူပဗေဒဒုတိယနှစ် တက်ရောက်နေတဲ့  မောင်သက်မောင်မောင်က ပြောပါတယ်။

play

 

မောင်သက်မောင်မောင်အနေနဲ့ ကျောင်းသားသမဂ္ဂမှာတာဝန်ထမ်းဆောင်နေတာ နှစ်နှစ်နီးပါး ရှိနေပြီဖြစ်ပြီးတော့ နောက်ထပ်သမဂ္ဂမှာတာဝန်ထမ်းဆောင်မယ့်သက်တမ်း ကလာမယ့် ဇွန်လအထိကျန်ရှိနေသေးတာဖြစ်ပါတယ် ။

တပ်မတော်မှ တပ်ကြပ်တစ်ဦးရဲ့ သားဖြစ်သူ ပခုက္ကူတက္ကသိုလ်ကျောင်းသား သမဂ္ဂအထွေထွေအတွင်းရေးမှူး  ကိုသက်မောင်မောင်ကို ကျောင်းသားသမဂ္ဂမှာ ဆက်လက်ပါဝင်နေလို့ အမှတ် (၂၅၆) ခြေလျင်တပ်ရင်းအပါအ၀င် မည်သည့်တပ်မှ ၀င်၊ထွက်ခွင့် မပြုဖို့ အမှတ် (၁၀၁) ခြေမြန်တပ်ဌာနချုပ်က ညွန်ကြားချက်ထုတ်ပြန်ခဲ့တယ်လို့ တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ခဲ့တာပါ။

သူ့အနေနဲ့ ကျောင်းသားသမဂ္ဂမှာပဲဆက်လက်တာဝန်ထမ်းဆောင်သွားမယ်လို့ သတင်းစာရှင်းလင်းပွဲမှာ သူ့ရဲ့ သဘောထားကိုပြောပါတယ်။

အမှတ် (၂၅၆) ခြေလျင်တပ်ရင်းမှ တာဝန်ရှိသူအရာရှိတစ်ဦးကွပ်ကဲတဲ့ တပ်ရင်းမှာ တက္ကသိုလ်တက်ရောက်နေတဲ့ မှီခိုသူသားသမီးနဲ အုပ်ထိန်းသူတွေကို တက္ကသိုလ်မှာ အေးချမ်းစွာ ပညာသင်ကြားရေးအတွက် ပညာပေးဆွေးနွေးခဲ့ပြီး ထုတ်ပြန်ထားတဲ့ အမိန့်ညွန်ကြားချက် တွေကို သိရှိလိုက်နာဖို့ ရှင်းပြခဲ့တယ်လို့ တပ်မတော်က သတင်းထုတ်ပြန်ထားပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD
AD