ချယ်ဆီးအသင်းရဲ့ကွင်းလယ်ကစားသမား ဝီလီယံဟာ ချယ်ဆီးအသင်းရဲ့နည်းပြကွန်တီအလွန် နာပိုလီနည်းပြ ဆာရီ နည်းပြဖြစ်လာခဲ့ပေမယ့် စတန်းဖို့ဒ်ဘရစ်ဂျ်ကနေ ထွက်ခွာဖို့ ဆုံးဖြတ်ခဲ့ပါတယ်။ ချယ်ဆီးအသင်းဟာ နည်းပြကွန်တီထွက်ခွာသွားပြီဖြစ်တဲ့အတွက် ဝီလီယံကို ထိန်းသိမ်းထားနိုင်မယ်လို့ မျှော်လင့်ခဲ့ပေမယ့် ဝီလီယံက ၎င်းရဲ့ဆုံးဖြတ်ချက်ကို မပြောင်းလဲခဲ့တာဖြစ်ပါတယ်။
Photos: Metro
အသက် ၂၉ နှစ်အရွယ်ရှိပြီဖြစ်တဲ့ ဝီလီယံဟာ ချယ်ဆီးအသင်းကို စတင်ရောက်ရှိတဲ့ ၂၀၁၃ ခုနှစ်ကတည်းက ၂၃၆ ပွဲပါဝင်ကစားပေးထားပြီး ၄၄ ဂိုး သွင်းယူပေးထားတဲ့ကစားသမားဖြစ်ပါတယ်။ ချယ်ဆီးအသင်းရဲ့နည်းပြကွန်တီဟာ ဝီလီယံကို အဓိကပွဲစဉ်တွေမှာ ပွဲထွက်ခွင့်မပေးခဲ့ဘဲ ပြီးခဲ့တဲ့မေလက အက်ဖ်အေဖလားဗိုလ်လုပွဲအဖြစ် မန်ချက်စတာယူနိုက်တက်အသင်းနဲ့ ယှဉ်ပြိုင်ကစားခဲ့တဲ့ပွဲစဉ်မှာ ဝီလီယံကို ၉၁ မိနစ်မှသာ ဝင်ရောက်ကစားစေခဲ့သူဖြစ်ပါတယ်။
Photos: Metro
ချယ်ဆီးအသင်းအနေနဲ့ ဝီလီယံနဲ့ ဆက်ဆံရေးမပြေမလည်ဖြစ်နေတဲ့ ကွန်တီ ထွက်ခွာသွားမှုကြောင့် ဝီလီယံကို အသင်းမှာ ဆက်လက်ရှိနေစေဖို့ ကြိုးစားနိုင်တဲ့အခွင့်အရေးရရှိနိုင်တယ်လို့ မျှော်လင့်ခဲ့ပေမယ့် ဝီလီယံက ၎င်းရဲ့စိတ်ကို မပြောင်းလဲခဲ့ဘဲ အသင်းကနေ ထွက်ခွာဖို့ဆုံးဖြတ်ခဲ့တာဖြစ်ပါတယ်။
မန်ချက်စတာယူနိုက်တက်အသင်းနဲ့ဘာစီလိုနာအသင်းတို့ဟာ ဝီလီယံကို ခေါ်ယူလိုနေကြပြီး ဝီလီယံဟာ ကမ္ဘာ့ဖလားပြိုင်ပွဲအတွက် ဘရာဇီးလ်အသင်းနဲ့အတူ ယှဉ်ပြိုင်ကစားခဲ့တဲ့အချိန်မှာ အသင်းဖော်ဖြစ်သူ ကော်တင်ဟိုနဲ့ ဆွေးနွေးခဲ့တာကြောင့် ဘာစီလိုနာအသင်းကို ပြောင်းရွှေ့ဖို့ ပိုမိုဖြစ်နိုင်ဖွယ်ရှိနေတယ်လို့ သိရပါတယ်။
Photos: Metro
ဝီလီယံဟာ လာမယ့်ရာသီမှာ ချန်ပီယံလိဂ်ပြိုင်ပွဲမှာ ပါဝင်ကစားလိုတဲ့ဆန္ဒရှိနေတာကြောင့် ချန်ပီယံလိဂ်ဝင်ခွင့်မရတဲ့ ချယ်ဆီးအသင်းကနေ ထွက်ခွာဖို့ ဆုံးဖြတ်ခဲ့တာဖြစ်ပြီး မန်ချက်စတာယူနိုက်တက်အသင်းရော၊ ဘာစီလိုနာအသင်းကပါ ချန်ပီယံလိဂ်ဝင်ခွင့်ရရှိထားတာဖြစ်ပါတယ်။ မန်ချက်စတာယူနိုက်တက်အသင်းရဲ့နည်းပြ မော်ရင်ဟိုက မကြာသေးမီကမှ ဘရာဇီးကစားသမားတစ်ဦးဖြစ်တဲ့ ဖရက်ဒ်ကို ခေါ်ယူခဲ့ပြီး ဘရာဇီးလ်ကစားသမားတွေနဲ့ အလုပ်လုပ်ရတာ နှစ်သက်ကြောင်း ဝန်ခံခဲ့ပါတယ်။
"ကျွန်တော် နည်းပြခဲ့တဲ့အသင်းတိုင်းမှာ ဘရာဇီးလ်ကစားသမားတွေနဲ့အလုပ်အတူတူလုပ်ခဲ့ရတာ အရမ်းပျော်ရွှင်မိပါတယ်"
"လာမယ့်နှစ် ကျွန်တော်တို့ အသင်းလူစာရင်းမှာ နောက်ထပ်ဘရာဇီးလ်ကစားသမားတစ်ယောက် ထပ်ရှိမလာဘူးလို့ ဘယ်သူပြောနိုင်မှာလဲ"လို့ ပြောကြားခဲ့ပါတယ်။