မန်ယူအသင်းရဲ့ အဓိက တိုက်စစ်မှူး ဆန်းချက်ကို မန်ယူအသင်းက ရာသီကြို ခြေစမ်းပွဲကစားမယ့် အမေရိကန်ခရီးစဉ် လူစာရင်းကနေ ချန်လှပ် ခဲ့ပါတယ်။

အာဆင်နယ်မှာ ၂၂ နှစ်တာ အကျဉ်းကျခဲ့တဲ့ အာစင်ဝင်းဂါး  

ဘာလို့ မန်ယူအသင်းက ဆန်းချက်ကို ကနဦး သွားစဉ်ကတည်းက မခေါ်ခဲ့တာလဲ၊ဆန်းချက်ကရော ဘာလို့ နောက်ကျပြီးတော့မှ လိုက်သွားခွင့် ရရတာလဲဆိုတာ စိတ်ဝင်စားဖို့ ကောင်းပါတယ်။

အကြောင်းကတော့ ဆန်းချက်ဟာ စပိန်မှာ ကစားစဉ် အခွန်ရှောင်တဲ့ အမှုအတွက် ထောင်ဒဏ် (၁၆) လ ဆိုင်းငံ့ ပြစ်ဒဏ်ကို လက်ခံထားခဲ့ သူ ဖြစ်တာကြောင့် ၎င်းကို ဗီဇာကဒ် ရရှမယ့် အခွင့်အရေး ပိတ်ပင်ခံထားရတာကြောင့် ဖြစ်ပါတယ်။

ဒါကြောင့်လည်း မန်ယူအသင်းရဲ့ လူစာရင်းမှာ မတတ်သာပဲ ချန်လှပ်ခံခဲရတာ ဖြစ်ကာ မူလကတော့ အသင်းရဲ့ ရာသီကြို ခြေစမ်းပွဲတွေကို လွဲ ချော်တော့မယ်လို့ သတင်းတွေ ထွက်ပေါ်ထားခဲ့တာပါ။

အခုတော့ မန်ယူအသင်းရဲ့ အကူအညီနဲ့အတူ ဆန်းချက်တစ်ယောက် အမေရိကန်ကို ခရီးထွက်ခွာနိုုင်ခွင့်ကို ချီလီနိုင်ငံက ခွင့်ပြုလိုက်တာ ကြောင့်လည်း အခုလို အမေရိကန်ကို လိုက်ပါသွားတာ ဖြစ်ပါတယ်။

အခုလို ဆိုင်းငံ့ထောင်ဒဏ်ပြစ်ဒဏ် ကျခံနေရတဲ့သူကို အမေရိကန်နိုင်ငံက ဝင်ခွင့်ဗီဇာ ထုတ်မပေးတာ ဖြစ်ပေမယ့်လည်း မန်ယူအသင်းရဲ့ အဓိ က ကစားသမား ဆန်းချက်အတွက်ကိုတော့ ဝင်ခွင့်ပြုပေးလိုက်တာလည်း ဖြစ်ပါတယ်။

မန်ယူအသင်းကတော့ အမေရိကန်နိုင်ငံမှာ ကလပ် အမေရိက၊ဂျို့စ် အက်ကွက်စ်၊အေစီမီလန်၊လီဗာပူး၊ရီးရဲမက်ဒရစ် အသင်းတို့နဲ့ ခြေစမ်းပွဲများ ယှဉ်ပြိုင်ကစားသွားမှာပါ။

ဒီကနေ့ မနက်ပိုင်းကတော့ မေဂျာလိဂ်ကလပ် ကလပ် အမေရိကအသင်းနဲ့ ကစားခဲ့ရာမှာ တစ်ဖက်တစ်ဂိုးစီ သရေကျခဲ့ပါတယ်။ ဒုတိယပွဲ အဖြစ် လာမယ့် ဇူလိုင်လ ၂၃ ရက်နေ့မှာ ဆန်းဂျို့စ်အက်ကွက်စ် အသင်းနဲ့ ထပ်မံ ကစားပါမယ်။