AD
AD
AD

လက်စတာစီးတီးအသင်းကနေ မန်ချက်စတာစီးတီးအသင်းကို ပြောင်းရွှေ့ခဲ့တဲ့ တောင်ပံကစားသမား မာရက်ဇ်ဟာ မန်စီးတီးအသင်းနည်းပြ ပက်ဂွါဒီယိုလာကြောင့် မန်စီးတီးအသင်းကို ပြောင်းရွှေ့လာခဲ့တာဖြစ်တယ်လို့ ဝန်ခံပြောကြားခဲ့ပြီး မန်ချက်စတာစီးတီးအသင်းနဲ့ ရာသီတိုင်းမှာ ဆုဖလားတွေ ရယူသွားချင်တယ်လို့ ပြောကြားခဲ့ပါတယ်။

play
Photos: Sportskeeda

 

အသက် ၂၇ နှစ်အရွယ်ရှိပြီဖြစ်တဲ့ မာရက်ဇ်ဟာ လက်စတာစီးတီးအသင်းကနေ မန်ချက်စတာစီးတီးအသင်းကို ပြောင်းရွှေ့ကြေး ပေါင်သန်း ၆၀ နဲ့ ပြောင်းရွှေ့ခဲ့သူဖြစ်ပါတယ်။ မာရက်ဇ်ဟာ လက်စတာစီးတီးအသင်းကို ၂၀၁၄ ခုနှစ်မှာ ပရီးမီးယားလိဂ်ကို တန်းတက်နိုင်အောင် အဓိကကဏ္ဍကနေ စွမ်းဆောင်ပေးခဲ့သူဖြစ်ပြီး ၂ ရာသီအကြာ ၂၀၁၆ ခုနှစ်မှာ နည်းပြ ရာနီရေးနီနဲ့အတူ ပရီးမီးယားလိဂ်ဖလားကို ကိုင်မြှောက်နိုင်ခဲ့သူဖြစ်ပါတယ်။

မန်ချက်စတာစီးတီးအသင်းနဲ့အတူ ရာသီကြိုခြေစမ်းပွဲတွေအဖြစ် လီဗာပူး၊ ဘိုင်ယန်မြူးနစ်အသင်းတို့နဲ့ ခြေစမ်းပွဲစဉ်အတွက် ကြိုတင်ပြင်ဆင်နေတဲ့ မာရက်ဇ်ဟာ မန်ချက်စတာစီးတီးအသင်းနည်းပြ ပက်ဂွါဒီယိုလာရဲ့ အနိုင်ရလိုစိတ်ပြင်းပြတဲ့ဗီဇက မိမိကို ဆွဲဆောင်နိုင်ခဲ့တာဖြစ်တယ်လို့ ပြောကြားခဲ့ပါတယ်။

play
Photos: Sportskeeda

 

"ကျွန်တော်က ရည်မှန်းချက်ရှိတဲ့ကစားသမားတစ်ယောက်ပါ။ ရာသီတိုင်းမှာ ဆုဖလားတွေ ကိုင်မြှောက်ချင်ပါတယ်"

"မန်ချက်စတာစီးတီးအသင်းဟာ ကြိုးစားပြီး ရာသီတိုင်းမှာ ဖလားတွေကိုင်မြှောက်ဖို့ ရည်မှန်းချက်ရှိတဲ့အသင်းတစ်သင်းလို့ ထင်ပါတယ်"

"မန်ချက်စတာစီးတီးဟာ ကြီးမားတဲ့ကလပ်အသင်းတစ်သင်းပါ။ အရမ်းတော်တဲ့နည်းပြနဲ့ သူတို့ ကစားတဲ့ပုံစံက အံ့မခန်းပါပဲ။ ဒါကြောင့် ကျွန်တော် ဒီမှာရှိနေရတာပါ"

play
Photos: Football365

 

မန်ချက်စတာစီးတီးအသင်းရဲ့နည်းပြ ပက်ဂွါဒီယိုလာဟာ ပြီးခဲ့တဲ့ ၂၀၁၇-၂၀၁၈ ရာသီမှာ ပရီးမီးယားလိဂ်ချန်ပီယံဆုကို ကာကွယ်နိုင်ခဲ့သလို လိဂ်ဖလားကိုလည်း ရယူနိုင်ခဲ့ပါတယ်။ မာရက်ဇ်က ပက်ဂွါဒီယိုလာနဲ့ လေ့ကျင့်ရေးအတူပြုလုပ်တဲ့အချိန်တိုအတွင်းမှာ ဂွါဒီယိုလာကို လေးစားခဲ့ပြီးဖြစ်တယ်လို့ ပြောကြားခဲ့ပါတယ်။

"သူက အရမ်းကို ရည်မှန်းချက်ကြီးတဲ့သူပါ။ အရာအားလုံးကို သူအနိုင်ရရှိချင်နေပါတယ်။ လေ့ကျင့်ရေးမှာ အသေးစိတ်ကအစ သူ အရမ်းပြင်းပြင်းထန်ထန်ကြိုးစားပါတယ်"

"သူ့ရဲ့လက်အောက်မှာ ကျွန်တော် တိုးတက်လာမှာပါ။ အသင်းကိုလည်း သူ တိုးတက်အောင် လုပ်ပေးပါလိမ့်မယ်"လို့ ပြောကြားခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD