AD
AD
AD

ပေါ့ဂ်ဘာကို ဘာစီလိုနာက သြဂုတ်လ ၃၁ ရက်နေ့အထိ ခေါ်ယူနိုင်ဖို့ ကြိုးစားခွင့်ရှိနေသေးပြီး ပေါ့ဂ်ဘာမန်ယူမှာ ဆက်ရှိမရှိက လကုန်မှသာ သေချာမှာ ဖြစ်ပါတယ်။

play
Photo - manutd.ge

 

ကမ္ဘာ့ဖလား ချန်ပီယံ ပေါ့ဂ်ဘာတစ်ယောက် အနားရတဲ့ ရက်ပြည့်လို့ အသင်းလေ့ကျင့်ရေးကို လာရောက်ပူးပေါင်းခဲ့ပေမယ့် ၎င်းရဲ့ အေးဂျင့်က အသင်းပြောင်းဖို့ စီစဉ်နေတယ်ဆိုတဲ့ သတင်းတွေ ထွက်ပေါ်လာပါတယ်။

 

ဒီသတင်းတွေအပေါ်မှာတော့ မန်ယူ နည်းပြ မော်ရင်ဟိုက ငြင်းဆိုခဲ့ပြီး ပေါ့ဂ်ဘာအနေနဲ့ မန်ယူမှာ ပျော်ရွှင်နေပြီး မန်ယူမှာ ကစားနေရတာကို လည်း ဂုဏ်ယူနေတယ်လို့ ယုံကြည်စွာ ပြောကြားလာပါတယ်။

play
Photo - worldabcnews Worldabcnews

 

ပေါ့ဂ်ဘာကို စပိန်ကလပ် ဘာစီလိုနာအသင်းက ခေါ်ယူမယ်လို့ သတင်းတွေ ပျံ့နှံ့နေခဲ့တာ ဖြစ်ပြီး မော်ရင်ဟိုကတော့ သူ့ကစားသမားဖက်က အတိအလင်းကို ငြင်းဆိုပေးခဲ့တာ ဖြစ်ပါတယ်။

ပေါ့ဂ်ဘာအနေနဲ့ ပြီးခဲ့တဲ့ တနင်္လာနေ့ကမှ အသင်းရဲ့ လေ့ကျင့်ရေးကို ရောက်ရှိလာခဲ့သူ ဖြစ်ပြီး ဒီကနေ့ ညမှာ ကစားမယ့် လက်စတာစီးတီးနဲ့ ပွဲမှာ စတင်ပါဝင်ကစားဖို့ များနေပါတယ်။

ဒါပေမယ့်လည်း စပိန်လာလီဂါမှာ အပြောင်းအရွှေ့ဈေးကွက်က သြဂုတ်လ ၃၁ ရက်နေ့အထိ ရှိနေသေးတာမို့ ဘာစီလိုနာအသင်းအနေနဲ့ ပေါ့ဂ် ဘာကို ခေါ်ယူနိုင်ရေး ကြိုးစားခွင့်ကျန်နေပါသေးတယ်။

play
Photo - The Standard

 

ဒီအခြေအနေမှာတော့ မန်ယူနည်းပြ မော်ရင်ဟိုက -" ကျွန်တော့် အမြင်မှာ သူပျော်နေတာတွေ့ပါတယ်။အသင်းဖော်တွေနဲ့အလုပ်တွဲလုပ်နေရ တာလည်း သူဂုဏ်ယူနေဟန်မြင်တွေ့ရပါတယ်။သူကျန်ခဲ့တဲ့ ၃ ရက်စလုံးမှာလည်း အကောင်းဆုံး ကြိုးစားလုပ်ဆောင်ပြတာတွေ မြင်ရပါတယ်။ သူ့မှာ ကြံ့ခိုင်မှုအပြည့်အ၀ ရှိနေတာလည်း တွေ့ရပါတယ်။" လို့ ပြောပါတယ်။

မန်ယူအသင်းကတော့ ဒီနှစ်မှာ ကစားသမားသစ်ဆိုလို လူငယ်ကစားသမားတွေဖြစ်တဲ့ ဖရက်ဒ်၊ဒါလော့ဒ်တို့ကို ခေါ်ယူထားနိုင်ပြီး အသင်းက ကစားသမားတွေကိုသာ ဆက်လက်ထိန်းသိမ်းထားတာ ဖြစ်ပါတယ်။

ဒီကနေ့ည မြန်မာစံတော်ချိန် ၁ နာရီခွဲမှာတော့ ၂၀၁၈-၁၉ ပရီးမီးယားလိဂ် ဘောလုံးရာသီ အဖွင့်ပွဲအဖြစ် အိမ်ကွင်းမှာ လက်စတာစီးတီးအသင်း စတင်ရင်ဆိုင်ကစားရပါမယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD