Photos: Sportskeeda

ဘာစီလိုနာကို ပြောင်းရွှေ့ဖို့သတင်းထွက်နေတဲ့ ပေါ့ဂ်ဘာနဲ့ပတ်သက်ပြီး ပြောလိုက်တဲ့ ဆွာရက်ဇ် 

Photos: Sky Sports

မူရီဇီယိုဆာရီ နည်းပြအဖြစ် တာဝန်ယူနေတာဟာ ကွန်တီနဲ့တုန်းကထက် မိုရာတာအနေနဲ့ ပိုပြီး သက်တောင့်သက်သာဖြစ်နေလားဆိုတဲ့မေးခွန်းကို အခုလိုပဲ ပြန်လည်ဖြေကြားခဲ့ပါတယ်။

"ဟုတ်တာပေါ့။ ဟုတ်တယ်။ ကျွန်တော့်အတွက်ကတော့ ဟုတ်ပါတယ်။ အဲဒါက ဘာမှမဟုတ်တာမျိုးတော့မဟုတ်ပါဘူး။ ဒါပေမယ့် ကစားတဲ့စတိုင်လ်အတွက်တော့ ဟုတ်ပါတယ်။ အဲဒါက ကျွန်တော်ကစားနေကျပုံစံမဟုတ်ပါဘူး။ အဲဒါကြောင့် ကျွန်တော် နည်းနည်းခံစားခဲ့ရပါတယ်"

မိုရာတာဟာ ပြီးခဲ့တဲ့ရာသီကုန်ခါနီးမှာ ဂျာမနီနိုင်ငံက ဆရာဝန်ရဲ့အကိုက်အခဲပျောက်ဆေးထိုးပြီး ကစားခဲ့ရတယ်လို့ မကြာသေးမီကမှ ထုတ်ဖော်ပြောကြားခဲ့ပါတယ်။ ပြီးခဲ့တဲ့နှစ်က ရီးရဲမက်ဒရစ်အသင်းကနေ ချယ်ဆီးအသင်းကို ပေါင်သန်း ၆၀ နဲ့ ပြောင်းရွှေ့ခဲ့တဲ့ မိုရာတာဟာ ချယ်ဆီးအသင်းလုပ်ပေးခဲ့သလောက် ပြန်မပေးဆပ်ရသေးကြောင်း ပြောကြားခဲ့ပါတယ်။

"ဒီနေ့ ကမ္ဘာမှာတော့ ဒီလိုဝေဖန်မှုတွေကတော့ သာမန်ပါပဲ။ ချယ်ဆီးအသင်းက ကျွန်တော့်အတွက် ကြီးမားတဲ့အားထုတ်မှုပြုလုပ်ခဲ့ပါတယ်။ အဲဒါကို ပြန်မလုပ်ပေးရသေးပါဘူး။ ကျွန်တော့်အနေနဲ့ အသင်းကို ၂ ဆပြန်ပေးဆပ်သင့်ပါတယ်။ တစ်ရာသီကို ၁၅ ဂိုးနဲ့တောင် အဆုံးမသတ်နိုင်တဲ့ တိုက်စစ်မှူးတစ်ယောက်ကို သူတို့ ပိုက်ဆံပေးခဲ့ပါတယ်"

"လူတွေက ကျွန်တော်တို့ကို စက်တွေလို့ ထင်နေကြပါတယ်။ ကျွန်တော် သုံးလလောက် မဆော့ဘဲ ရပ်လိုက်မယ်ဆိုရင် ကျွန်တော် ခေါင်းရှင်းရှင်းနဲ့ ပြန်လာနိုင်မှာပါ။ ဒါပေမယ့် ကျွန်တော်က ပရော်ဖက်ရှင်နယ်ဖြစ်နေတဲ့အတွက် အရာအားလုံးကို ပေးချင်ပါတယ်"လို့ ပြောကြားခဲ့ပါတယ်။