AD
AD
AD

ချယ်ဆီးအသင်းရဲ့ ကွင်းလယ်ကြယ်ပွင့် ကန်တေက အင်္ဂလန်လက်ရွေးစင်ကွင်းလယ်ကစားသမား လော့ဖ်တက်ချိခ်ဟာ နောက်ထပ် တစ်ဆင့်ကို ထပ်မံတက်လှမ်းပြီး ချယ်ဆီးအသင်းကို ပရီးမီးယားလိဂ်မှာ အောင်မြင်မှုဆီ ပို့ဆောင်ပေးဖို့အဆင်သင့်ဖြစ်နေပြီလို့ ယုံကြည်ကြောင်း ပြောကြားခဲ့ပါတယ်။

play
Photos: Sportskeeda

အသက် ၂၂ နှစ်အရွယ်ရှိပြီဖြစ်တဲ့ လော့ဖ်တက်ချိခ်ဟာ ချယ်ဆီးအသင်းရဲ့အကယ်ဒမီကနေ ၂၀၁၄ ခုနှစ်မှာ ပေါ်ထွက်လာခဲ့သူဖြစ်ပြီး တိကျတဲ့ပေးပို့မှုနဲ့ ကြံ့ခိုင်မှုကြောင့် ကြယ်ပွင့်ကစားသမားဖြစ်လာဖို့ တစ်ကြိုပေးခြင်းခံထားရသူဖြစ်ပါတယ်။ လော့ဖ်တက်ချိခ်အတွက် ပထမအသင်းရဲ့ ပွဲထွက်ကစားသမားစာရင်းမှာ ပါဝင်ခွင့်ရဖို့ မလွယ်ကူခဲ့ဘဲ ချယ်ဆီးအသင်းအတွက် ၆ ပွဲသာ ပွဲထွက်ကစားပေးထားရသေးတာဖြစ်ပါတယ်။

 

လူငယ်ကြယ်ပွင့် လော့ဖ်တက်ချိခ်ရဲ့ ခြေစွမ်းတိုးတက်ဖို့အတွက် ပြီးခဲ့တဲ့ရာသီက ခရစ်စတယ်ပဲလေ့စ်ကို အငှားချခဲ့ပြီး ၂၀၁၈ ကမ္ဘာ့ဖလားမှာ ဂါးရတ်ဆောက်ဂိတ်ရဲ့အင်္ဂလန်အသင်းအတွက် အထင်ကြီးလေးစားလောက်ဖွယ် စွမ်းဆောင်ရည် ပြသနိုင်ခဲ့ပါတယ်။ ယခုရာသီမှာ ချယ်ဆီးအသင်းအတွက် ၃၃ မိနစ်သာ ကစားပေးထားရသေးပေမယ့် ကန်တေက လော့ဖ်တက်ချိခ်ဟာ စတန်းဖို့ဒ်ဘရစ်ဂ်ျမှာ ရှိနေဖို့အတွက် ထိုက်တန်ကြောင်း သက်သေပြသနိုင်လိမ့်မယ်လို့ ယုံကြည်နေတာဖြစ်ပါတယ်။

play
Photos: Daily Mail

 

"ကျွန်တော် ဒီကိုရောက်လာတုန်းက သူက ဒီမှာရှိနေပြီးသားပါ။ သူက ကစားသမားကောင်းဆိုတာ သေချာပါတယ်"

"အခု သူက အင်္ဂလန်အသင်းလူစာရင်းမှာ ပါဝင်နေပါပြီ။ ပြီးခဲ့တဲ့ရာသီက ခရစ်စတယ်ပဲလေ့စ်မှာ ကောင်းကောင်းကစားနိုင်ခဲ့ပါတယ်။ သူ ချယ်ဆီးအသင်းအတွက် ကစားပေးဖို့အဆင်သင့်ဖြစ်နေပြီလို့ ကျွန်တော် ထင်ပါတယ်"

"ကောင်းမွန်တဲ့အချို့ပွဲစဉ်တွေမှာ သူ ကစားခဲ့ပါတယ်။ အခု နည်းပြရဲ့ဆုံးဖြတ်ချက်ပဲ ကျန်ပါတော့တယ်။ ကျွန်တော်တို့အားလုံး ချယ်ဆီးမှာရှိနေပြီး ပရီးမီးယားလိဂ်ရဲ့အကောင်းဆုံးကစားသမားအချို့နဲ့ တွဲကစားဖို့အတွက် အခွင့်အရေးရှိပါတယ်"

"ကျွန်တော်တို့ အဲဒီကနေ သင်ယူနိုင်ပါတယ်။ ဒါပေမယ့် သူကတော့ ဆက်ပြီးကစားနေဖို့ လိုပါတယ်။ ဆက်ပြီး တိုးတက်ဖို့ပေါ့။ အချိန်မှန်ရောက်လာလိမ့်မယ်လို့ ကျွန်တော် မျှော်လင့်ပါတယ်"လို့ ပြောခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD