Photo : Newscabal

ဂိုးသွင်းပြန်ရင်လည်း စံချိန်သစ်လေး ယူလိုက်ရမှဆိုတဲ့ ရော်နယ်ဒို 

Photo : Colossus SportsTV

"မနေ့ကပဲ သူနဲ့ စကားပြောဖြစ်ခဲ့တယ်၊ သူ ဂိုး (၄၀)လောက် သွင်းယူနိုင်လိမ့်မယ်လို့ပေါ့၊ တချို့နေရာတွေမှာ သူတိုးတက်ဖို့ လိုနေသေးပေမယ့် သူ အဲဒါကို ပြုလုပ်နိုင်မှာပါ၊ ကာဒစ်နဲ့ပွဲမှာဆိုရင်လည်း သူ့ကစားပုံကို ခင်ဗျားတို့ မြင်တွေ့ခဲ့မှာပါပဲ၊ ဒါကြောင့် ဟာဇက်အနေနဲ့ ဂိုးသွင်း ဘုရင်ဖြစ်နိုင်လားဆိုရင် ကျွန်တော်ကတော့ ဖြစ်နိုင်တယ်လို့ ပြောမှာပါ" လို့ ဆာရီက ပြောဆိုခဲ့ပါတယ်။

Photo : We Ain't Got No History

ဆာရီက ဟာဇက်အနေနဲ့ သူ့ကိုယ်သူ ဂရုစိုက်ဖို့လည်း လိုလားနေပြီး နေရာလွတ်ရှာဖွေခြင်း၊ ပြိုင်ဘက်ရဲ့ နောက်ဆုံးခံစစ်ဇုန်အတွင်းမှာ အခွင့်အရေးရအောင် ဖန်တီးခြင်းတွေက ဟာဇက်အနေနဲ့ ခွန်အားဖြုန်းတီးနေတာ ဖြစ်တယ်လို့ ယူဆပြီး မကြာခဏဆိုသလို ဘောလုံးကို ကွင်းလယ်အထိ ဆင်းယူတာမျိုးတွေ မပြုလုပ်ဖို့လည်း ဆာရီက တိုက်တွန်းခဲ့ပါတယ်။

"ကြာသာပတေးနေ့မှာ ဟာဇက် (သို့) ပက်ဒရိုကို အနားပေးသွားမှာပါ၊ လော့တပ်ချိခ်က ဒဏ်ရာပြသနာ အနည်းငယ်ရှိနေပါတယ်၊ သူ နောက်ထပ် (၂)ရက်၊ (၃)ရက်လောက်နေရင် ပြန်ပြီး ကောင်းလာမယ်လို့ ထင်ပါတယ်၊ သူ့အတွက် အခွင့်အရေးတွေ ပေးနိုင်မယ်လို့လည်း ကျွန်တော် ထင်ပါတယ်၊ လက်ရှိမှာတော့ သူ့ရဲ့ အနေအထားက ကစားဖို့အတွက် မဖြစ်သေးတာ သေချာပါတယ်" လို့လည်း အသင်းတွင်းအခြေအနေကိုလည်း ဆာရီက ပြောကြားခဲ့ပါတယ်။

Photo : Football Web Pages.co.uk

ချယ်လ်ဆီးကတော့ ကြာသာပတေးနေ့မှာ PAOK အသင်းနဲ့ ယူရိုပါလိဂ်ပွဲကို ကစားရမှာ ဖြစ်ပါတယ်။ ဆာရီက အသင်းရဲ့ တိုက်စစ်ပိုင်းမှာ မိုရာတာ နဲ့ ဂီရော့ဒ်တို့ကို အလှည့်ကျစနစ်နဲ့ အသုံးပြုသွားမယ်လို့လည်း ပြောဆိုခဲ့ပါတယ်။ ချန်ပီယံလိဂ်ဝင်ခွင့် ဆုံးရှုံးပြီးနောက်မှာ ဆာရီက ယူရိုပါလိဂ်ဖလားကို အရယူဖို့ဟာ ချယ်လ်ဆီးအတွက် အရေးကြီးဆုံးဖြစ်တယ်လို့လည်း ပြောခဲ့ပါသေးတယ်။