Photo: Daily Mail

Photo: Daily Mail

ဘာစီလိုနာက စိတ်ဝင်စားပေမယ့် မန်ယူမှာပဲ နေချင်တဲ့ ကွင်းလယ်လူ 

ဝုဒ်ဝက်အခုလိုသတိပေးပြောကြားခဲ့ရတဲ့နောက်ကွယ်မှာ အဓိကအကြောင်းတစ်ခုရှိနေပါတယ်။ ဒါကတော့ ကစားသမားတွေကိုပေးချေနေရတဲ့ လစာနှုန်းထားဟာ ကာလတိုအတွင်း အဆမတန်မြင့်တက်လာတာကြောင့်ပါ။ မန်ယူဟာ ပြီးခဲ့တဲ့ဘောလုံးရာသီက စံချိန်တင်ဝင်ငွေ ပေါင်သန်း ၅၉၀ရှိခဲ့တယ်လို့ကြေညာခဲ့ပေမယ့် ကစားသမားလစာပေးချေမှုနှုန်းကလည်း ပေါင် ၃၂.၄သန်းကနေ ပေါင် ၂၉၅.၉သန်းအထိတိုးလာခဲ့ပါတယ်။

Photo: The Sun

ဒီနှစ်မှာ ချန်ပီယံလိဂ်ဝင်ခွင့်ရလို့ အသင်းဝင်ငွေတိုးလာနိုင်ပေမယ့်လည်း ဝုဒ်ဝက်ကတော့ လစာငွေများပြားလာမှုကိုကာမိဖို့အတွက် ချန်ပီယံဆုဖလားတွေကိုသာပိုလိုအပ်တယ်လို့ ဆိုပါတယ်။  “ကလပ်မှာရှိတဲ့လူတိုင်း မမောနိုင်မပန်းနိုင်နဲ့အလုပ်လုပ်ပြီး ဆုဖလားတွေကို ထပ်ဖြည့်နိုင်ဖို့လိုနေပါပြီ။ ဒါက ပရိသတ်တွေရဲ့ကြီးမားတဲ့ဆန္ဒဖြစ်သလို ကလပ်ရဲ့သမိုင်းဝင်လိုအပ်ချက်လည်းဖြစ်ပါတယ်။ ကျွန်တော်တို့မှာ ကမ္ဘာ့ထိပ်တန်းအကယ်ဒမီတွေရှိပြီး ကမ္ဘာ့အဆင့်ကစားသမားတွေကို မွေးထုတ်နိုင်ပါတယ်။ ကစားသမား လစာလျှော့ချနိုင်ဖို့နဲ့ အပြောင်းအရွှေ့ဈေးကွက်မှာ ပြိုင်ဆိုင်မှုလျှေ့ချနိုင်ဖို့အတွက် ဒီလိုကစားသမားတွေ လိုပါလိမ့်မယ်”လို့ ဝုဒ်ဝက်ကပြောပါတယ်။

Photo: Daily Mail

မန်ယူအသင်းဟာ ပြီးခဲ့တဲ့ဘောလုံးရာသီက အဆင့်၂နဲ့ ရာသီသိမ်းခဲ့တဲ့အတွက် ရုပ်သံထုတ်လွှင့်ခွင့်ခွဲတမ်း ပေါင် ၁၀သန်းရခဲ့ပါတယ်။ ဒါပေမယ့် ပွဲနေ့မှာ လက်မှတ်ခအပါအဝင် အခြားအထွေထွေဝင်ငွေကတော့ ပေါင် ၁၉.၄သန်းအထိလျော့ကျခဲ့ပါတယ်။ မန်ယူအသင်းမှာဝင်ငွေအများဆုံးရနေတဲ့ ကစားသမားကတော့ ချီလီတိုက်စစ်မှူး ဆန်းချက်ဇ်ဖြစ်ပြီး လစာတစ်ပတ် ပေါင် သုံးသိန်းတစ်သောင်းခွဲအပြင် အခြားဝင်ငွေအပါအဝင် စုစုပေါင်း တစ်ပတ် ပေါင် ငါးသိန်းအထိ ပေးချေနေရပါတယ်။