မန်ချက်စတာယူနိုက်တက်အသင်းရဲ့ တိုက်စစ်မှူး လူကာကူဟာ အနာဂတ်မှာ အီတလီကို သွားရောက်ကစားဖို့ မျှော်လင့်ထားကြောင်း ဝန်ခံပြောကြားခဲ့ပြီး မန်ချက်စတာယူနိုက်တက်အသင်းမှာ ကာလရှည်ဆက်ရှိနေဖို့အတွက် မရေမရာဖြစ်နေကြောင်းကို လှစ်ဟပြခဲ့ပါတယ်။
Photos: Metro
ဘယ်လ်ဂျီယံလက်ရွေးစင်တိုက်စစ်မှူး လူကာကူဟာ မန်ချက်စတာယူနိုက်တက်အသင်းအတွက် ယခုရာသီမှာ ၇ ပွဲပါဝင်ကစားပေးထားပြီး ၄ ဂိုးသွင်းယူပေးထားတဲ့ကစားသမားဖြစ်ပါတယ်။ ဒါပေမယ့် လူကာကူဟာ ယခုရာသီမှာ ၎င်းရဲ့ပုံမှန်ခြေစွမ်းပြန်လည်ရရှိဖို့ ရုန်းကန်နေရဆဲဖြစ်ပြီး အနာဂတ်နဲ့ပတ်သက်ပြီး Gazetta dello Sport နဲ့ တွေ့ဆုံရာမှာ မန်ယူအသင်းမှာ ရေရှည်ဆက်ရှိနေနိုင်မှာမဟုတ်ကြောင်း အရိပ်အမြွက် ပြောကြားလိုက်တာဖြစ်ပါတယ်။
Photos: Goal
လူကာကူဟာ အသင်းဖော်ဖြစ်တဲ့ ပေါ့ဂ်ဘာနည်းတူ မန်ချက်စတာယူနိုက်တက်အသင်းကနေ ထွက်ခွာလိုကြောင်းကို ထုတ်ဖော်ပြောကြားခဲ့တာဖြစ်ပြီး ဘယ်အချိန်မှာ အသင်းကနေ ထွက်ခွာမလဲဆိုတာကိုတော့ ပြောကြားခဲ့ခြင်းမရှိပါဘူး။ လူကာကူရဲ့ညီဖြစ်တဲ့ ဂျော်ဒန်ဟာ လာဇီယိုအသင်းမှာ ကစားနေတာဖြစ်ပြီး လူကာကူကို အီတလီမှာ ကစားဖို့ဆန္ဒရှိလားလို့ သတင်းထောက်က မေးမြန်းခဲ့တာဖြစ်ပါတယ်။
ချန်ပီယံလိဂ်ဖလားကို မကိုင်မြှောက်နိုင်ခဲ့တဲ့ ကမ္ဘာ့ထိပ်တန်းအဆင့် ကစားသမား ၅ ဦး
"ဘာလို့ မကစားရမှာလဲ။ အဲဒါတကယ်ဖြစ်လာလိမ့်မယ်လို့ ကျွန်တော်မျှော်လင့်ပါတယ်"လို့ ပြောကြားခဲ့ပါတယ်။
လူကာကူက မန်ချက်စတာယူနိုက်တက်အသင်းနဲ့ ချန်ပီယံလိဂ်ပြိုင်ပွဲမှာ တစ်အုပ်စုတည်းကျရောက်နေတဲ့ ဂျူဗင်တပ်အသင်းဟာ ဥရောပရဲ့အကောင်းဆုံးအသင်းတွေထဲကတစ်သင်းဖြစ်တယ်လို့ ပြောကြားခဲ့ပါတယ်။
"လုံးဝသံသယဖြစ်စရာ မရှိပါဘူး။ ဂျူဗင်တပ်က ဥရောပရဲ့ အကောင်းဆုံးအသင်းတွေထဲကတစ်သင်းပါ"
"သူတို့ရဲ့ ခုံတန်းမှာ ကောင်းမွန်တဲ့နည်းပြတစ်ဦး ရှိနေပါတယ်။ အသင်းရဲ့နေရာတိုင်းမှာလည်း ထူးခြားကောင်းမွန်တဲ့ကစားသမားတွေလည်း ရှိနေပါတယ်"လို့ ပြောကြားခဲ့ပါတယ်။