မန်ချက်စတာယူနိုက်တက်အသင်းရဲ့ နည်းပြ မော်ရင်ဟိုက သူ့အနေနဲ့ ဟာဇက်ကို မန်ချက်စတာယူနိုက်တက်အသင်းထံ ခေါ်ယူသွားချင် ပေမယ့်လည်း ချယ်လ်ဆီးအသင်းက ရောင်းချသွားမှာ မဟုတ်ဘူးလို့ ပြောဆိုလိုက်ပါတယ်။ BBC သတင်းဌာနရဲ့ ဖော်ပြချက်အရ မော်ရင်ဟိုက ဟာဇက်ကို ခေါ်ယူချင်ပေမယ့် ချယ်လ်ဆီးက ရောင်းချသွားမှာ မဟုတ်တဲ့အကြောင်းကိုလည်း ရှင်းလင်းခဲ့ပါတယ်။
Photo : BBC
အသက် (၂၇)နှစ်အရွယ် ဟာဇက်ဟာ မော်ရင်ဟိုနဲ့ ချယ်လ်ဆီးမှာ လက်တွဲခဲ့ဖူးသူတွေ ဖြစ်ပါတယ်။ ဟာဇက်ကိုယ်တိုင်ကလည်း မော်ရင်ဟိုနဲ့ နောက်တစ်ကြိမ် လက်တွဲခွင့် ရဖို့ မျှော်လင့်နေတယ်လို့ ဘယ်လ်ဂျီယံသတင်းစာ HLN နဲ့ အင်တာဗျူးခဲ့တုန်းက ပြောကြားခဲ့ပါသေးတယ်။ ဟာဇက်က လက်ရှိအချိန်မှာ ချယ်လ်ဆီးအတွက် ပရီးမီးယားလိဂ်ဂိုး (၇)ဂိုး သွင်းယူပေးထားပြီး ခြေစွမ်းပြနေသူပါ။
Photo : The Independent
"ကျွန်တော်တို့မှာ ဆက်ဆံရေးကောင်းတွေရှိပါတယ်၊ ချန်ပီယံအဖြစ်လည်း အတူတကွ အောင်ပွဲခံဖူးခဲ့ပါတယ်၊ ဒီအတွက် သူနဲ့ကျွန်တော့်ကြား ဆက်ဆံရေးတွေက ကောင်းတယ်လို့ ခံစားရပါတယ်၊ သမိုင်းမှတ်တမ်းတွေအရဆိုရင် ချယ်လ်ဆီး ချန်ပီယံဖြစ်ခဲ့တုန်းက ဟာဇက်က အကောင်းဆုံးကစားသမား ဖြစ်ခဲ့တာပါ" လို့ မော်ရင်ဟိုက ပြောပါတယ်။
Photo : Goal.com
"'ဒါတွေက ကျွန်တော်နဲ့ ဖြစ်ခဲ့သလို၊ အန်တိုနီယိုကွန်တီနဲ့လည်း သူ ချန်ပီယံဖြစ်ခဲ့ပါတယ်၊ ဒီရာသီကတော့ အခုမှ အစပဲရှိသေးပေမယ့် သူက ပရီးမီးယားလိဂ်ရဲ့ အကောင်းဆုံးကစားသမား ဖြစ်နေခဲ့ပါပြီ၊ ဒီအတွက် ချယ်လ်ဆီးက လိဂ်မှာ ထိပ်ဆုံးရောက်နေတာက ဟာဇက်ကြောင့်ပါ၊ ဘာလို့လဲဆိုတော့ သူက မတူကွဲပြားတဲ့အရာတွေကို ပြုလုပ်နိုင်တဲ့ ကစားသမားမျိုး ဖြစ်နေလို့ပါပဲ"
Photo : MK Bet 24/7
"မန်ချက်စတာယူနိုက်တက်မှာ သူနဲ့အတူ လက်တွဲချင်ပါတယ်၊ ဒါပေမယ့် ချယ်လ်ဆီးက သူ့ကို ကျွန်တော်တို့အသင်းဆီ ရောင်းမှာမဟုတ်ပါဘူး၊ ဒါက ပြသနာမရှိပါဘူး၊ ဘာလို့လဲဆိုတော့ ချယ်လ်ဆီးအသင်း တာဝန်ရှိသူတွေက ဘောလုံးလောကမှာ အတွေ့အကြုံနဲ့ ဆင်ခြင်နိုငစွမ်း ရှိသူတွေမို့ပါ၊ သူတို့အနေနဲ့ အီဒင်ကို မန်ယူကို ဘယ်တော့မှ ရောင်းမှာ မဟုတ်ပါဘူး" လို့ မော်ရင်ဟိုက ထပ်မံပြောကြားခဲ့ပါတယ်။