Photo : Sportbible

အသင်းခံစစ်ပိုင်း အားနည်းမှုတွေရှိနေတယ်လို့ မော်ရင်ဟိုက ပြောဆိုခဲ့ပြီး လက်ရှိနောက်တန်းအနေအထားနဲ့ ဆုဖလားမျှော်လင့်ချက် နည်းပါးမယ်လို့ ရာသီအစက ပြောကြားခဲ့ဖူးပါတယ်။ လက်ရှိမှာလည်း မန်ယူအသင်းဟာ ခံစစ်ပိုင်းအားနည်းမှုတွေနဲ့ ရင်ဆိုင်နေရပြီး ဒီရာသီမှာ ပွဲစဉ်တိုင်း လိုလိုကို သွင်းဂိုးတွေ ခွင့်ပြုနေရပါတယ်။

Photo : Sportbible

Telegraph ရဲ့ ဖော်ပြချက်အရလည်း မော်ရင်ဟိုက ဇန်နဝါရီမှာ ခံစစ်ကစားသမားသစ် ဝယ်ယူနိုင်ခဲ့ပါက ရိုဟို နဲ့ ဘိုင်ယီတို့ကို ပြန်လည်ရောင်းထုတ်သွားဖို့ ရှိတယ်လို့ သိရပါတယ်။ လက်ရှိမှာ မော်ရင်ဟိုက အင်တာမီလန် နောက်ခံလူ ရှကရီနာ နဲ့ အယ်ဒါဝီရယ်တို့ကို ခေါ်ယူပေးဖို့ အသင်းကို တောင်းဆိုထားပြီး ဖီအိုရင်တီးနားနောက်ခံလူ နီကိုလာမီလန်ကိုဗစ်ကိုလည်း ခေါ်ယူဖို့ စိတ်ဝင်စားနေပါတယ်။

ဒါကြောင့်မို့ ဇန်နဝါရီအပြောင်းအရွှေ့ကာလမှာ မန်ချက်စတာယူနိုက်တက်အသင်းကို အပြောင်းအရွှေ့ဈေးကွက်အတွင်း ခြေသွက်လက်သွက်နဲ့ လှုပ်ရှားနိုင်မယ်လို့ မျှော်လင့်ရပါတယ်။ လက်ရှိမှာလည်း ပရီးမီးယားလိဂ်မှာ ထိပ်ဆုံး (၄)သင်း စာရင်းဝင်ဖို့အတွက်သာ မျှော်လင့် ရတော့မှာမို့လည်း အသင်းကို အင်အားဖြည့်တင်းမှုတွေ သေချာပေါက် လုပ်ဆောင်မယ်လို့လည်း ခန့်မှန်းရပါတယ်။