AD
AD
AD

ပေါ်တူဂီ နဲ့ ရီးရဲလ်မက်ဒရစ်အသင်းတို့ရဲ့ စူပါစတား တိုက်စစ်မှူး စီရော်နယ်ဒိုဟာ ESPN က ရွေးချယ်တဲ့ ဂုဏ်သတင်းအကျော်ကြားဆုံး အားကစားသမား အယောက် (၁၀၀) စာရင်းမှာ ထိပ်ဆုံးက ဦးဆောင်နိုင်ခဲ့ပါတယ်။ ဒီလို ဦးဆောင်နိုင်မှုဟာ စီရော်နယ်ဒိုအတွက် (၃) နှစ် ဆက်တိုက် ဦးဆောင်နိုင်ခြင်းဖြစ်ပြီးတော့ ဘတ်စကတ်ဘော အကျော်အမော် လီဘရွန်ဂျိမ်းစ် နဲ့ အဓိကပြိုင်ဘက်ကြီး လီယွန်နယ်မက်ဆီတို့ကို အသာစီးရယူနိုင်ခဲ့တာလည်း ဖြစ်ပါတယ်။

play

 

အဆိုပါ ကစားသမားအယောက် (၁၀၀) စာရင်းရဲ့ ထိပ်ဆုံး (၁၀) ယောက်အတွင်းမှာတော့ ဘောလုံးလောကမှ စီရော်နယ်ဒို၊ မက်ဆီ နဲ့ နေမာ အစရှိတဲ့ ကစားသမား (၃) ဦးက ပါဝင်လာခဲ့ပါတယ်။ အသက် (၃၃) နှစ် အရွယ်ရှိပြီဖြစ်တဲ့ စီရော်နယ်ဒိုဟာ လူမှုကွန်ရက်တွေအပေါ်မှာလည်း လွှမ်းမိုးမှုသြဇာ ကြီးမားသူဖြစ်ပြီးတော့ Followers အများအပြား၊ စီးပွားရေးကြော်ငြာများအတွက် သဘောတူစာချုပ်အများအပြားကို ရယူထားနိုင်ပြီးတော့ အင်တာနက်မှတဆင့် ရှာဖွေခံရမှု အများဆုံးကစားသမားအဖြစ်လည်း ရပ်တည်နိုင်ခဲပါတယ်။

play

 

ဘရာဇီးလ်စတား နေမာကတော့ ပီအက်စ်ဂျီအသင်းကို ကမ္ဘာ့စံချိန်တင်ပြောင်းရွှေ့ကြေး ယူရို ၂၂၂သန်းနဲ့ ပြောင်းရွှေ့ခဲ့ပြီးနောက် တန်ကြေးအမြင့်ဆုံးကစားသမားဖြစ်လာအပြီးမှာတော့ ဒီစာရင်းမှာ အဆင့် (၄) နေရာအထိကို ရောက်ရှိလာခဲ့ပါတယ်။ အခြားသော ကစားသမားများအဖြစ် လီဘရွန်ဂျိမ်းစ်က ဒုတိယနေရာမှာ ရပ်တည်နေခဲ့ပြီး လီယွန်နယ်မက်ဆီက အဆင့် (၃) မှာ ရပ်တည်နိုင်ခဲ့ပါတယ်။

play

 

ဆွစ်ဇာလန်နိုင်ငံမှ နာမည်ကျော်တင်းနစ်ကစားသမား ရော်ဂျာဖက်ဒါရာကတော့ အဆင့် (၅) မှာ ရပ်တည်နိုင်ခဲ့ပြီး ကီဗင်ဒီဘရိုင်း၊ ရာဖေးလ်နာဒယ် (တင်းနစ်) ၊ စတီဖင်ကယ်ရီ (ဘတ်စကတ်ဘော) နဲ့ ဖီးလ်မိုက်ကယ်ဆင် (ဂေါ့ဖ်) တို့က အစဉ်လိုက် ရှိနေခဲ့ပါတယ်။ အဆင့် (၁၁)မှ အဆင့် (၂၀)အတွင်းမှာတော့ ဘောလုံးကစားသမား တစ်ဦးသာ ပါဝင်နိုင်ခဲ့ပြီး ရီးရဲလ်မက်ဒရစ်မှ ဂါရတ်ဘေးလ်က အဆင့် (၁၉) မှာ ရှိနေခဲ့ပါတယ်။

play

 

ဒီရွေးချယ်မှုမှာတော့ ဆိုရှယ်မီဒီယာများအပေါ်မှာ လွှမ်းမိုးနိုင်မှု၊ စပွန်စာစာချုပ်များ နဲ့ အင်တာနက်မှ ရှာဖွေမှုများအပေါ်မှာ အခြေခံ တွက်ချက်ထားတာဖြစ်ပြီး ESPN မှ ရွေးချယ်ရေးအဖွဲ့ တာဝန်ရှိသူများက လေ့လာဆန်းစစ်ခဲ့ပြီး အကဲဖြတ်အမှတ်ပေးခဲ့တာလည်း ဖြစ်ပါတယ်။ သူတို့ရဲ့ ရွေးချယ်မှုများအရ စီရော်နယ်ဒိုက ထိပ်ဆုံးအဆင့်မှာ အခိုင်အမာရပ်တည်နိုင်ခဲ့ပြီးတော့ အခြားသော ပြိုင်ဘက်များကို အသာစီးရယူနိုင်ခဲ့တာလည်း ဖြစ်ပါတယ်။

Source : ESPN

ဤအကြောင်းအရာကို သင်ဘယ်လိုထင်ပါသလဲ။
AD

AD