AD
AD
AD

ဂျူဗင်တပ်စ်တိုက်စစ်မှူး ရော်နယ်ဒိုဟာ ရီးရဲလ်အသင်းဖော်ဟောင်း မာဆယ်လိုကို ဂျူဗင်တပ်စ်အသင်းဆီ ပြောင်းရွှေ့လာဖို့ တိုက်တွန်းပြောဆိုမှုတွေ ပြုလုပ်လိုက်ပါတယ်။ ယူရိုသန်း ၁၀၀ နဲ့ ဂျူဗင်တပ်စ်ကို ပြောင်းရွှေ့အပြီးမှာ ရော်နယ်ဒိုက အသင်းဖော်ဟောင်းလည်းဖြစ်၊ ခင်မင်ရင်းနှီးတဲ့ သူငယ်ချင်းလည်းဖြစ်တဲ့ မာဆယ်လိုကို ဖိတ်ခေါ်လိုက်တာ ဖြစ်ပါတယ်။

play
Photo : Daily Mail

 

ရီးရဲလ်မက်ဒရစ်ရဲ့ ဘယ်ခြမ်းတိုက်စစ်ပိုင်းမှာ (၉)နှစ်ကြာ တွဲဖက်ကစားခဲ့ဖူးတဲ့ ရော်နယ်ဒိုနဲ့မာဆယ်လိုတို့ဟာ အခြားကစားသမားတွေထက် ပိုမိုတဲ့ဆက်ဆံရေးမျိုး ရှိသူတွေဖြစ်ပါတယ်။ အီတလီမှာ ပြန်လည်လက်တွဲဖို့အတွက် ရော်နယ်ဒိုက အလိုရှိနေပြီး ဖိတ်ခေါ်ခဲ့တာ ဖြစ်တယ်လို့ Tuttosport က ဖော်ပြသွားခဲ့တာ ဖြစ်ပါတယ်။

 

play

 

မာဆယ်လိုဟာလည်း တူရင်ကလပ်ကို လိုက်ပါပြောင်းရွှေ့ဖို့ စဉ်းစားနေတယ်လို့ Tuttosport က ဖော်ပြခဲ့ပါတယ်။ စပိန်မှာ ဆုဖလားအများအပြား ရရှိခဲ့ပြီးတဲ့နောက် ဘရာဇီးလ်ခံစစ်ကစားသမားဟာ စိန်ခေါ်မှုအသစ်တွေကို ရင်ဆိုင်ဖို့ ဆန္ဒရှိနေတယ်လို့ သိရပါတယ်။ ရီးရဲလ်မက်ဒရစ်အသင်းဟာ ချန်ပီယံလိဂ်ဖလား (၃)လုံးရအပြီးမှာ နည်းပြဇီဒန်း၊ အဓိကတိုက်စစ်မှူးရော်နယ်ဒိုတို့နဲ့ လမ်းခွဲခဲ့ပြီး ဖြစ်ပါတယ်။

play
Photo : Daily Mail

 

ဂျူဗင်တပ်စ်အသင်းကတော့ အသင်းရဲ့ ဘယ်နောက်ခံလူ အဲလက်စ်ဆန်ဒရိုကို လက်လွှတ်ဆုံးရှုံးခဲ့ရပါက မာဆယ်လိုကို ခေါ်ယူဖို့ စိတ်ဝင်စားနေတယ်လို့ သိရပါတယ်။ ဆန်ဒရိုကို ပြင်သစ်ကလပ် ပီအက်စ်ဂျီက စိတ်ဝင်စားနေတာလည်း ဖြစ်ပါတယ်။ ဆန်ဒရိုအတွက် ပီအက်စ်ဂျီက ပေါင်၃၆သန်းနဲ့ ခေါ်ယူနိုင်ဖို့ ကြိုးစားနေတာဖြစ်ပါတယ်။

play
Photo : Goal.com

 

မာဆယ်လိုအနေနဲ့ ရော်နယ်ဒိုရဲ့ ဖိတ်ခေါ်မှုကို လက်ခံမှာလားဆိုတာ စိတ်ဝင်စားစရာ ဖြစ်လာခဲ့ပါတယ်။ ရီးရဲလ်မက်ဒရစ်ကတော့ အသင်းရဲ့ အဓိကကစားသမားတစ်ဦးကို ထိန်းသိမ်းဖို့ ကြိုးစားရဦးမှာ ဖြစ်ပြီး တစ်ဖက်မှာလည်း ကွင်းလယ်လူ လူကာမိုဒရစ်ကို အင်တာမီလန်အသင်းက စိတ်ဝင်စားနေတာကြောင့် အဓိကကစားသမားအများအပြားကို ထိန်းသိမ်းဖို့ အရေးကြီးလာပြီ ဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD