သောကြာနေ့ နံနက်ပိုင်းအတွက် နောက်ဆုံးရ အပြောင်းအရွှေ့သတင်းများကို ဖော်ပြပေးထားတာ ဖြစ်ပါတယ်။
Photo : Goal.com
- ဂျူဗင်တပ်စ်ကွင်းလယ်ကစားသမား ပီယာနစ်ဟာ အသင်းနဲ့အတူ စာချုပ်သစ်ချုပ်ဆိုလိုက်ပြီ ဖြစ်ပါတယ်။ ဒါဟာ မန်စီးတီး နဲ့ ဘာစီလိုနာတို့က စိတ်ဝင်စားနေတယ်လို့ သတင်းများ ထွက်နေခဲ့မှုအပေါ် အဆုံးသတ်စေခဲ့တာလည်း ဖြစ်ပါတယ်။ Di Marzio ရဲ့ ဖော်ပြချက်အရ ပီယာနစ်ဟာ လစာငွေတိုးမြှင့်ရရှိသွားမှာဖြစ်ပြီး အသင်းမှာ ကာလရှည်ဆက်လက်ရှိနေတော့မှာ ဖြစ်ပါတယ်။
Photo : Goal.com
- ချယ်လ်ဆီးတောင်ပံကစားသမား ဝီလီယံဟာ အသင်းနဲ့ (၂)နှစ်သက်တမ်းရှိ စာချုပ်သစ်ကို ချုပ်ဆိုလိုက်တယ်လို့ The Sun က ဖော်ပြခဲ့ပါတယ်။ အသက် (၃၀)အရွယ်ရှိ ဘရာဇီးလ်လက်ရွေးစင်ကစားသမားကို မန်ချက်စတာယူနိုက်တက်နဲ့ ဘာစီလိုနာတို့က အလေးအနက် စိတ်ဝင်စားခဲ့ပေမယ့် ဝီလီယံဟာ ချယ်လ်ဆီးမှာသာ ဆက်ရှိနေပြီး လက်ရှိမှာ တစ်ပတ်ပေါင် တစ်သိန်းနှစ်သောင်း နဲ့ ၂၀၂၀ ခုနှစ်အထိ စာချုပ်ကျန်ရှိနေသေးတာ ဖြစ်ပါတယ်။
Photo : Goal.com
- အသင်းကွင်းလယ်လူ အာရွန်ရမ်ဆေးအနေနဲ့ စာချုပ်သစ်အတွက် လက်မှတ်ရေးထိုးလိမ့်မယ်လို့ အာဆင်နယ်အသင်းက ယုံကြည် နေပါတယ်။ အသက် (၂၇)နှစ်အရွယ် ကွင်းလယ်ကစားသမားဟာ အသင်းနဲ့အတူ နောက်ဆုံးစာချုပ်နှစ်ထဲ ရောက်ရှိနေတာဖြစ်ပြီး လက်ရှိအချိန်ထိ စာချုပ်သစ်အတွက် သဘောတူညီမှု မရရှိသေးတာဖြစ်ပါတယ်။ ရမ်ဆေးကို ချယ်လ်ဆီး၊မန်ယူ၊ ဘာစီလိုနာ နဲ့ လာဇီယိုတို့က စိတ်ဝင်စားနေကြပါတယ်။
Photo : Goal.com
- မန်ချက်စတာယူနိုက်တက်အသင်းဟာ အသင်းကွင်းလယ်လူ ပေါ့ဂ်ဘာကို ရောင်းချသွားမှာမဟုတ်ဘူးလို့ ပြောကြားလိုက်ပါတယ်။ The Sun ရဲ့ ဖော်ပြချက်အရ အသက် (၂၅)နှစ်အရွယ် ပြင်သစ်ကွင်းလယ်လူကို အိုးထရက်ဖို့ဒ်မှာ ဆက်လက်ထိန်းသိမ်းထားမှာ ဖြစ်ပြီး ဘာစီလိုနာ အသင်းရဲ့ စိတ်ဝင်စားမှုအပေါ်မှာ မန်ယူအသင်းက ယတိပြတ်ငြင်းဆိုလိုက်တာ ဖြစ်ပါတယ်။
Photo : Goal.com
- Le10Sport ရဲ့ ဖော်ပြချက်အရ ပီအက်စ်ဂျီအသင်းရဲ့ တိုက်စစ်အားသန်ကစားသမား ဒရက်ဇ်လာဟာ သြဂုတ်လအကုန်မှာ ပြင်သစ် ကလပ်ကနေ ထွက်ခွာဖွယ်ရှိတယ်လို့ သိရပါတယ်။ တူချယ်လ်ဟာ အသင်းအတွက် အသစ်ခေါ်ယူထားတဲ့ သီလိုခါရာကို ကွင်းလယ်မှာ အသုံးပြုဖို့ ကြံရွယ်နေတာကြောင့် ဒရက်ဇ်လာအတွက် ပွဲထွက်ခွင့် အခွင့်အရေးက နည်းပါးလာတာ ဖြစ်ပါတယ်။ ဒရက်ဇ်လာကို လိုက်ဇစ်၊ ဒေါ့မွန် နဲ့ ရှော်ကေးလ်တို့က စိတ်ဝင်စားနေကြပါတယ်။