Photo : WorldNewsBuz

Photo : www.literastesa.tk

ကွင်းလယ်မှာ ဘတ်ပီ ဘောလုံးရယူလာစဉ် ဆဗန်နီယာက ကြမ်းတမ်းစွာ ဖျက်ထုတ်ခဲ့မှုကြောင့် ဘတ်ပီ လဲကျသွားခဲ့ပါတယ်။ အဲဒီနောက်မှာ ဘတ်ပီဟာ ဒေါသအပြင်းအထန်ထွက်နေခဲ့ပြီး ဆဗန်နီယာကို ပြင်းပြင်းထန်ထန် ဆောင့်တွန်းခဲ့မှုကြောင့် ကွင်းလယ်ဒိုင်က အနီကတ်ပြ ထုတ်ပယ်ခဲ့တာကြောင့် ဘတ်ပီဟာ ကွင်းအတွင်းက ထွက်ခွာခဲ့ရပါတယ်။

Photo : purorocknacional.com.ar

ဒါကြောင့် ဘတ်ပီဟာ ပြင်သစ်လီဂူးပွဲစဉ်တွေဖြစ်တဲ့ စိန့်အက်တီယန်၊ ရန်းနက်စ်၊ ရင်းမ်တို့နဲ့ ကစားရမယ့် ပီအက်စ်ဂျီအသင်းရဲ့ ပွဲစဉ်တွေကို လွဲချော်တော့မှာ ဖြစ်ပါတယ်။ ဘတ်ပီအနေနဲ့ ပြည်တွင်းပွဲစဉ်တွေကိုသာ လွဲချော်မှာဖြစ်ပြီး စက်တင်ဘာ (၁၈)ရက်နေ့မှာ ကစားရမယ့် လီဗာပူးလ်နဲ့ ချန်ပီယံလိဂ်ပွဲစဉ်ကိုတော့ အသင်းအတွက် ပါဝင်ကစားနိုင်မှာ ဖြစ်ပါတယ်။

Photo : Footballogue on Twitter

ဘတ်ပီကတော့ ဒီနှစ်ဘောလုံးရာသီသစ်မှာ ပီအက်စ်ဂျီအသင်းအတွက် လိဂ်ပွဲ (၃)ပွဲ ပါဝင်ကစားပေးထားပြီး စုစုပေါင်းသွင်းဂိုး (၄)ဂိုးအထိ သွင်းယူပေးထားပြီး ဖြစ်ပါတယ်။ အသင်းရဲ့ တိုက်စစ်မှာ နေမာ၊ ကာဗာနီတို့နဲ့ အတွဲအဖက်မိမိ ခြေစွမ်းပြနေတဲ့ ဘတ်ပီကို (၃)ပွဲထိ ဆုံးရှုံးရမယ့် ပီအက်စ်ဂျီအတွက်တော့ နစ်နာမှုဖြစ်ခဲ့ပါတယ်။