Photo - Die Welt

အဆိုတော်တစ်ဦးကို နှာခေါင်းရိုးကျိုးအောင် ထိုးကြိတ်ခဲ့တဲ့ အာဒါတူရန် 

လက်ရှိနည်းပြ လီယိုနာဒို ဂျာဒင်အနေနဲ့ အသင်းကို ရလဒ်ပိုင်း ကောင်းမွန်အောင်စွမ်းဆောင်ထားနိုင်ခြင်းမရှိလို့ ၎င်းနေရာမှာ အစားထိုးမယ့် သူ ကို မိုနာကိုအသင်းက ရှာဖွေပြီလည်း ဖြစ်ပါတယ်။

Photo - CBS Sports

လက်ရှိမှာ အသက် ၄၁ နှစ်အရွယ်ရှိနေပြီဖြစ်တဲ့ အွန်နရီအနေနဲ့ ၁၉၉၇ ခုနှစ်တုန်းက မိုနာကိုအသင်းကို လိဂ်(၁)ဖလား ရရှိအောင် ကစားသမား တစ်ဦးအဖြစ် စွမ်းဆောင်ပေးခဲ့ဖူးပါတယ်။

လက်ရှိနည်းပြ ဂျာဒင်ကတော့ ၂၀၁၆-၂၀၁၇ ခုနှစ်တုန်းက လိဂ်(၁)ဖလားကို ၂၀၀၀ ခုနှစ်နောက်ပိုင်း ပထမဆုံးအကြိမ် ပြန်လည်ရယူပေးထား သူလည်း ဖြစ်ပါတယ်။

Photo - Sportzet

လီယိုနာဒိုကတော့ ၂၀၁၄ ခုနှစ်တုန်းက မိုနာကိုအသင်းထံ ပြန်လည်ရောက်ရှိလာခဲ့တာ ဖြစ်ပြီး လက်ရှိ ပီအက်စ်ဂျီအသင်းကို ရောက်ရှိနေတဲ့ ကိုင်လီဘတ်ပေး၊အက်သလက်တီကို မက်ဒရစ်အသင်းကို ရောက်နေတဲ့ သောမတ်စ်လီမာ၊မန်စီးတီးကိုရောက်နေတဲ့ ဘာနန်ဒိုဆေးလ်ဗားနဲ့ မန်ဒီ စတဲ့ အရည်အသွေးမြင့် ကစားသမားတွေကို မွေးထုတ်ပေးနိုင်ခဲ့ပါတယ်။

လက်ရှိ ဒီနှစ်မှာတော့ မိုနာကိုအသင်းအနေနဲ့ ၉ ပွဲကစားပြီးချိန်မှာ ရမှတ် ၆ မှတ်သာရရှိထားပြီး အဆင့် ၁၈ နေရာမှာ ရပ်တည်နေတာ ကြောင့် တန်းဆင်းဇုန်ထဲ ရောက်နေပါတယ်။

ဒါကြောင့် ဂျာဒင်ရဲ့ နေရာမှာ အခြားသော နည်းပြတစ်ဦးနဲ့ အစားထိုးဖို့ မိုနာကိုအသင်းက စီစဉ်လာချိန်မှာတော့ ပြီးခဲ့တဲ့ ကမ္ဘာ့ဖလားတုန်းက တတိယရခဲ့တဲ့ ဘယ်လ်ဂျီယံအသင်းကို လက်ထောက်နည်းပြအဖြစ် တာဝန်ယူခဲ့ဖူးတဲ့ အွန်နရီက ထိပ်ဆုံးက ရေပန်းစားနေတာ ဖြစ်ပါတယ်။