AD
AD
AD

အိုက်စလန်နဲ့ တစ်ဖက် (၂)ဂိုးစီ သရေကျခဲ့တဲ့ ခြေစမ်းပွဲမှာ ပြင်သစ်အတွက် ချေပဂိုးတစ်ဂိုး သွင်းယူပေးခဲ့တဲ့ လူငယ်တိုက်စစ်မှူး ဘတ်ပီဟာ စံချိန်မှတ်တမ်းတစ်ခု ထပ်မံပိုင်ဆိုင်သွားခဲ့ပါတယ်။ မိနစ် (၉၀)မှာ ရရှိခဲ့တဲ့ ပယ်နယ်တီကို ဘတ်ပီက ကန်သွင်းရယူခဲ့ပြီးနောက် ပြင်သစ် အတွက် သူ့ရဲ့ သွင်းဂိုးဟာ (၁၀)ဂိုး ပြည့်သွားခဲ့ပြီ ဖြစ်ပါတယ်။

play
Photo : Opta

 

Goal.com ရဲ့ ရေးသားဖော်ပြမှုအရ အသက် (၁၉)နှစ်အရွယ် တိုက်စစ်မှူးဟာ အသက် (၂၀)မပြည့်ခင်မှာ ပြင်သစ်အတွက် (၁၀)ဂိုးသွင်းယူပေးနိုင်ခဲ့တဲ့ ပထမဆုံး ကစားသမားအဖြစ် မှတ်တမ်းဝင်ခဲ့တာလည်း ဖြစ်ပါတယ်။ ပြီးခဲ့တဲ့ တစ်ပတ်က ကစားခဲ့တဲ့ ပြင်သစ်လီဂူးပွဲမှာလည်း ဘတ်ပီက (၁၄)မိနစ်အတွင်း (၄)ဂိုး သွင်းယူခဲ့ပြီး နှစ်ပေါင်း (၄၅)နှစ်အတွင်း တစ်ပွဲတည်းလေးဂိုးသွင်းနိုင်တဲ့ ဆယ်ကျော်သက်ကစားသမားအဖြစ် မှတ်တမ်းဝင်ခဲ့ပါသေးတယ်။

play
Photo : Goal.com

 

အဆိုပါမှတ်တမ်း ရရှိပြီး မကြာခင်မှာပဲ ဘတ်ပီက နောက်ထပ် မှတ်တမ်းတစ်ခုကို ရေးထိုးနိုင်သွားခဲ့ပါတယ်။ အိုက်စလန်နဲ့ပွဲမှာ (၂)ဂိုးပြတ်နဲ့ ဦးဆောင်ခံနေခဲ့ရပြီး ပြင်သစ်က ချေပဂိုးတွေ လိုက်သွင်းခဲ့ရတာ ဖြစ်ပါတယ်။ အသက်အရွယ်ပိုင်းအရ ငယ်ရွယ်သေးပေမယ့် ဘတ်ပီကတော့ ကမ္ဘာ့အဆင့် ခြေစွမ်းတွေကို ပိုင်ဆိုင်ထားတာ ဖြစ်ပါတယ်။

play
Photo : Eurosports

 

ကမ္ဘာ့ဖလားပြိုင်ပွဲ ဗိုလ်လုပွဲမှာလည်း ဘတ်ပီက ဂိုးသွင်းနိုင်ခဲ့သလို ပြိုင်ပွဲရဲ့ အကောင်းဆုံးလူငယ်ကစားသမားဆုကိုပါ ဆွတ်ခူးနိုင်ခဲ့ပါတယ်။ အိုက်စလန်နဲ့ပွဲမှာတော့ ဘတ်ပီက ပြင်သစ်အသင်းသမိုင်းမှာ စံချိန်သစ်ရေးထိုးသွားနိုင်ခဲ့ပြီ ဖြစ်ပါတယ်။ အခြားသော အချက်အလက်များအရ ပြင်သစ်ဂိုးသမား ဟူဂိုလိုရစ်ဟာလည်း ပြင်သစ်နဲ့အတူ မှတ်တမ်းကောင်းတွေ ပိုင်ဆိုင်ခဲ့တယ်လို့ သိရပါတယ်။

play
Photo : Opta

 

ပြင်သစ်နဲ့ပွဲမှာ လိုရစ်ဟာ ပွဲချိန်အတွင်း ဂိုးပေါက်ကာကွယ်မှု (၇)ကြိမ် ပြုလုပ်နိုင်ခဲ့ပါတယ်။ ဒါဟာ ၂၀၀၆ ခုနှစ် ကမ္ဘာ့ဖလားပြိုင်ပွဲ နောက်ပိုင်းမှာ ပြင်သစ်ဂိုးသမားတစ်ဦးက ပွဲစဉ်တစ်ပွဲတည်းမှာ အကြိမ်အများဆုံး ကာကွယ်နိုင်မှုအဖြစ် မှတ်တမ်းဝင်ခဲ့တာလည်း ဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD