မန်ချက်စတာစီးတီးအသင်းရဲ့ နည်းပြပက်ဂွာဒီယိုလာက မက်ဆီ နဲ့ ရော်နယ်ဒိုတို့ နှစ်ဦးကို ချီးကျူးစကားပြောဆိုခဲ့ပြီး ဘောလုံးလောကရဲ့ ခေတ်တစ်ခေတ်ကို ဦးဆောင်နိုင်ခဲ့တယ်လို့ ပြောဆိုသွားခဲ့ပါတယ်။ မက်ဆီ နဲ့ ရော်နယ်ဒိုတို့ဟာ ပြီးခဲ့တဲ့ (၁၀)နှစ်အတွင်း ဘောလုံးလောကမှာ ပြိုင်ဘက်မရှိ မင်းမူနိုင်ခဲ့တဲ့ ကစားသမားနှစ်ယောက်လည်း ဖြစ်ပါတယ်။
Photo : Eurosports
၂၀၀၇ ခုနှစ်မှာ ဘရာဇီးလ်ကစားသမား ကာကာက ဘလွန်းဒီအောဆုကို ရယူနိုင်ခဲ့ပြီးနောက် (၁၀)နှစ်အတွင်းမှာ မက်ဆီ နဲ့ ရော်နယ်ဒိုတို့က တစ်ယောက်ကို (၅)ကြိမ်စီ အဆိုပါဆုကို အလှည့်ကျ ရယူနိုင်ခဲ့ပါတယ်။ ဂွာဒီယိုလာကတော့ ဘာစီလိုနာနည်းပြအဖြစ် တာဝန်ယူခဲ့စဉ်က မက်ဆီနဲ့ လက်တွဲခဲ့ဖူးသူ ဖြစ်ပါတယ်။
Photo : EuroSports
"လီယိုက အားလုံးပြီးပြည့်စုံသူပါ၊ ပြင်းထန်ရက်စက်တဲ့ သားရဲတစ်ကောင်လိုပါပဲ၊ သူက အရှုံးဆိုတဲ့အရာကို ကလေးဘဝကတည်းက မုန်းတီးသူဖြစ်ပြီး အနိုင်ရဖို့ အားထုတ်ခဲ့တာပါ၊ ပွဲကြီးပွဲကောင်းတွေမှာဆို အသင်းအနေနဲ့ သူ့ကို ကူညီပေးခဲ့မယ်ဆိုရင် သူက မတူကွဲပြားတာတွေကို စွမ်းဆောင်ပေးနိုင်သူပါ"
Photo : ESPN
"ရော်နယ်ဒိုရော၊ မက်ဆီနဲ့ပါ ကျွန်တော်တို့တွေ အတူတူရှိခဲ့ကြပြီး သူတို့နှစ်ယောက်ရဲ့ မယုံကြည်နိုင်စရာ ခေတ်တစ်ခုမှာ ကျွန်တော်တို့ ရှင်သန်ခဲ့ကြပါတယ်၊ တစ်ရာသီကို ဂိုး (၅၀)လောက်သွင်းပြီး (၁၀)နှစ်တာကာလကို ဖြတ်သန်းခဲ့ကြတာ မယုံကြည်နိုင်စရာပါပဲ၊ ဒါက တစ်နှစ်တည်း မဟုတ်ပါဘူး၊ တစ်နှစ်ပြီးတစ်နှစ်ပါ" လို့ ဂွာဒီယိုလာက ချီးကျူးခဲ့ကြပါတယ်။
Photo : Goal.com
ဂွာဒီယိုလာကတော့ ဘာစီလိုနာနည်းပြအဖြစ်နဲ့ လာလီဂါဖလား (၃)လုံး၊ ကိုပါဒယ်ရေးဖလား (၂)လုံး၊ ချန်ပီယံလိဂ်ဖလား (၂)လုံးအပါအဝင် အခြားဆုဖလား အများအပြားကို ဆွတ်ခူးနိုင်ခဲ့သူ ဖြစ်ပါတယ်။ ဘာစီလိုနာအသင်းကို (၄)နှစ်ကြာ ကိုင်တွယ်ခဲ့ပြီးနောက် ၂၀၁၃ ခုနှစ်မှာ ဘိုင်ယန်နည်းပြအဖြစ် (၃)နှစ်ကြာ တာဝန်ယူခဲ့ပြီး လက်ရှိမှာ မန်စီးတီးနည်းပြအဖြစ် တာဝန်ယူနေတာ ဖြစ်ပါတယ်။