Photo : SportsJOE.ie

လက်ရှိဘောလုံးရာသီမှာလည်း ဘတ်ပီက အသင်းအတွက် ပြိုင်ပွဲစုံ (၇)ပွဲ ကစားပေးထားပြီး သွင်းဂိုး (၁၀)ဂိုး ပိုင်ဆိုင်ထားပြီး ဖြစ်ပါတယ်။ ပီအက်စ်ဂျီအသင်းကို ဇူလိုင်လက ပြောင်းရွှေ့ခဲ့တဲ့ အီတလီ နဲ့ ဂျူဗင်တပ်စ်ဂိုးသမားဟောင်းကြီး ဘတ်ဖွန်က ဘတ်ပီကို ဘက်ဂီယို၊ ဒယ်ပီယာရို တို့လို အီတလီအကျော်အမော်တိုက်စစ်မှူးကြီးတွေနဲ့ နှိုင်းယှဉ်ပြီး ချီးကျူးခဲ့ပါတယ်။

Photo : football.fr

"ကွင်းထဲမှာ ပြသနေတဲ့ သူ့ရဲ့ခြေစွမ်းတွေက အရည်အသွေးအပြည့်အ၀ ရှိပါတယ်၊ ကမ္ဘာ့ဖလားပြိုင်ပွဲမှာလည်း သူက အဆုံးအဖြတ်ပေးနိုင်တဲ့ ကစားသမားဖြစ်ခဲ့တာပါ၊ ဘလွန်းဒီအောဆုနဲ့ သူ ထိုက်တန်လားဆို ထိုက်တန်တယ်လို့ ပြောရမှာပါပဲ၊ ဆန့်ကျင်ဖက်ကနေ ကျွန်တော် ပြောသွားမှာမဟုတ်ပါဘူး"

Photo : Yahoo! Sports

"ဒီလို အရည်အသွေးရှိတဲ့ ကစားသမားမျိုးကို ကျွန်တော် အီတလီမှာလည်း တွေ့ခဲ့ဖူးပါတယ်၊ အီတလီမှာဆိုရင် သူက ဘက်ဂီယို၊ ဒယ်ပီယာရို၊ တော့တီတို့လို ကစားသမားတွေနဲ့ နှိုင်းယှဉ်လို့ရပါတယ်၊ ဒါပေမယ့် သူ့မှာရှိတဲ့ အရည်အသွေး နဲ့ အရည်အချင်းတွေက ကျွန်တော် တွေ့ဖူးသမျှ ထဲမှာတော့ ရှားရှားပါးပါးပါပဲ"

Photo : Four Four Two

"အံ့အားသင့်ဖွယ်၊ မယုံကြည်နိုင်စရာကောင်းလောက်တဲ့ ကစားသမားဆိုတာမျိုးလိုပါပဲ၊ လက်ရှိသူကစားနေတဲ့ ပုံစံ၊ စိတ်အားထက်သန်မှု နဲ့ စိတ်လှုပ်ရှားဖွယ် ကစားပုံတို့ကိုသာ ထိန်းသိမ်းနိုင်မယ်ဆိုရင် ဒီလိုခြေစွမ်းမျိုးနဲ့ သူ အချိန်အကြာကြီး ကစားနိုင်ပါလိမ့်မယ်" လို့ ဘတ်ဖွန်က ဘတ်ပီကို ချီးကျူးသွားခဲ့ပါတယ်။