ကစားသမားအားလုံးနီးပါးက တက္ကသိုလ် လက်ရွေးစင်တွေအဖြစ် မြင်တွေ့ရပြီး Alpine Cup 2018 မတိုင်ခင်ကစားခဲ့တဲ့ တူးလော့စ်ကမ္ဘာ့လူ ငယ်အားကစားပွဲတော်ဝင် လူငယ်တစ်သင်းလုံးကို ပြောင်းလဲပြီးလာပြိုင်တာကတော့ ထူးခြားပါတယ်။
အာရှအားကစားပွဲတော် အတွက် အကြို ပြင်ဆင်မှု တစ်ရပ်အဖြစ် ကစားမယ့် Alpine Cup 2018 လေးနိုင်ငံ ဖိတ်ခေါ်ဖလားပြိုင်ပွဲကိုတော့ မြန်မာ အသင်းအပါအဝင် တောင်ကီုရီးယား ယူ-၁၉၊ဘာရိန်း ယူ-၂၃ နဲ့ ထိုင်း ယူ-၂၃ အသင်းတို့ ပါဝင်ကစားကြမှာပါ။
ယူ -၂၃ လူစာရင်းမှ ကစားသမား (၃)ဦးကို အိမ်ပြန်လွှတ်
မြန်မာအသင်းကတော့ အာရှအားကစားပွဲတော်ကို နှစ်ပေါင်း ၂၀ အကြာမှပထမဆုံး ပြန်ကစားခွင့်ရတာနဲ့အညီ ပြိုင်ပွဲကြို ပြင်ဆင်မှုတွေ အား ကောင်းကောင်းနဲ့လုပ်ဆောင်နေပါတယ်။
Photo - KFA
အခု ဖိတ်ခေါ်ထားတဲ့ အသင်းတွေအားလုံးကလည်း အာရှအားကစားပွဲတော်ကို ဝင်ကစားကြမှာ ဖြစ်ပြီး တောင်ကိုရီးယား ယူ-၂၃ အသင်းက တော့ ပြည်တွင်းလိဂ်နဲ့ တိုက်ဆိုင်နေလို့ အခုလို ယူ-၁၉ အသင်းကိုပဲစေလွှတ်နိုင်ခဲ့တာ ဖြစ်ပါတယ်။
အခု DuwunSports ပရိသတ်ကြီးကို ပထမဆုံး မိတ်ဆက်ပေးချင်တဲ့ အသင်းကတော့ မြန်မာအသင်းရဲ့ ပွဲဦးထွက် ပွဲစဉ် အဖြစ် ကစားရမယ့် တောင်ကိုရီးယား ယူ-၁၉ အသင်းပဲ ဖြစ်ပါတယ်။
Photo - MFF
တောင်ကိုရီးယား ယူ-၁၉ အသင်းရဲ့ နည်းပြချုပ်အဖြစ် တောင်ကိုရီးယား လူမျိုး ချောင်ဂျူယောင်းက တာဝန်ယူကိုင်တွယ်လာမှာဖြစ်ပါတယ်။ တောင်ကိုရီးယား ယူ-၁၉ အသင်းဆိုပေမယ့် တောင်ကိုရီးယားအသင်းကို ယူ-၂၀ အဖြစ်သာ ဖွဲ့စည်းထားပြီး ၎င်းတို့က အာရှ ယူ-၁၉ ပြိုင်ပွဲ အတွက် ရည်ရွယ်ပြင်ဆင်နေတာ ဖြစ်ပါတယ်။ကစားသမားအများစုက အသက် ၁၉ နှစ်နဲ့ ၁၈ နှစ်ကစားသမားတွေသာ ဖြစ်ပါတယ်။ ဒါ့အပြင် ကစားသမား အကုန်လုံးနီးပါးက တက္ကသိုလ်လက်ရွေးစင် ကစားသမားများဖြစ်လို့ အသင်းလိုက်စုဖွဲ့မှုနဲ့သာ ကစားဖို့ ရှိပါတယ်။ကလပ် အသင်း ကကစားသမားဆိုလို့ ၃ ၊ ၄ယောက်လောက်သာ ပါဝင်လာတာလည်း တွေ့ရပါတယ်။
ဒီပြိုင်ပွဲမတိုင်ခင်က တူးလော့စ် ဖိတ်ခေါ်ဖလားပြိုင်ပွဲကို ဝင်ပြိုင်ထားတဲ့ လူစာရင်းက ကစားသမားတွေပြန်လည်ပါဝင်လာခြင်းမရှိတာကိုလည်း တွေ့ရပါတယ်။ထူးခြားတာက တောင်ကိုရီးယား ယူ-၁၉ ကစားသမားတွေ အားလုံးနီးပါးကို တက္ကသိုလ်တွေက ရွေးချယ်ထားတာကိုတွေ့ရပြီး ပြိုင်ပွဲ ၂ ခုမှာ ကစားသမား လုံး၀ ထပ်ခြင်းမရှိတာကိုလည်း ဂိုးသမားကအစ တွေ့ရပါတယ်။
မြန်မာနိုင်ငံမှာ ကျင်းပမယ့် Alpine Cup 2018 ပြိုင်ပွဲကိုလည်း တက္ကသိုလ် လက်ရွေးစင် ကစားသမားတွေကို ရွေးချယ်လာတာတွေ့ရပြီး ၃၊၄ ယောက်လောက်သာ ကလပ်အသင်းမှာ ကစားနေသူတွေအဖြစ် ပါလာတာလည်းတွေ့ရမှာပါ။
လက်ရှိနည်းပြကလည်း ၂၀၁၈ မေလကမှ ယူ-၂၁ အသင်းကို စတင်ကိုင်တွယ်လာတာဖြစ်ပြီး တူးလော့စ်မှာ ပြုလုပ်ခဲ့တဲ့ ကမ္ဘာ့လူငယ် အား ကစားပြိုင်ပွဲကို စတင်ဆင်နွှဲထားသူ ဖြစ်ပါတယ်။
အဲ့ပွဲမှာတော့ ၃ ပွဲကစား ၃ ပွဲလုံးရှုံးထားခဲ့ပေမယ့်အသင်း တောင်ကိုရီးယားအသင်းရဲ့လူစာရင်းမှာ ဥရောပ လူငယ်အသင်းတွေမှာ ကစားနေတဲ့ ကစားသမားတွေ ပါဝင်ခဲ့တာကိုတွေ့ရပါတယ်။ အကောင်းဆုံး အသင်းမှာ ပါဝင်ခဲ့တဲ့ လီကောင်အင်က စပိန်ကလပ် ဗလင်စီယာ လူငယ် အသင်း မှာ ပါဝင်ကစားနေသူ ဖြစ်ပါတယ်။၎င်းကိုတော့ ဒီပြိုင်ပွဲကို ထပ်မံခေါ်ဆောင်လာခြင်းမပြုတောာ့ပါဘူး။ဒါကြောင့် အခုလူစာရင်းကလည်း တောင် ကိုရီးယား ယူ-၁၉ အသင်းကို အသစ်သဖွယ်မြင်တွေ့ရမှာ ဖြစ်ပြီး လူငယ်ကစားသမားတွေကို တက္ကသိုလ်တွေကနေပဲ အများဆုံးရွေးထုတ်တဲ့ တောင်ကိုရီးယားနိုင်ငံရဲ့ စနစ်ကြောင့်လည်း တောင်ကိုရီးယားအသင်းဟာ လူငယ်ကစားသမားတွေကို စိတ်ကြိုက် ရွေးချယ်အသုံးပြုနိုင်တာကို တွေ့ရှိရပါတယ်။
တောင်ကိုရီးယားအသင်းကတော့ ဒီပြိုင်ပွဲပြီးရင် ၁၀ လပိုင်းမှာ အာရှ ယူ-၁၉ ချန်ပီယံရှစ်ပြိုင်ပွဲကို အင်ဒိုနီးရှားနိုင်ငံမှာ ကစားရမှာ ဖြစ်ပြီး ဗီ ယက်နမ်၊ဂျော်ဒန်၊သြစတြေးလျ အသင်းတွေနဲ့ တစ်အုပ်စုတည်းကျရောက်နေပါတယ်။
Share