Photos: Win Htun Aung

ဘာနေဗျူးကို စွန့်ခွာခဲ့တာနဲ့ ပတ်သက်ပြီး ပီရက်ဇ်ကို ဒဲ့ပြောလိုက်တဲ့ ရော်နယ်ဒို 

တစ်ဦးချင်းရွက်လှေပြိုင်ပွဲတွေကို နေ့လယ် ၂ နာရီခန့်မှာ စတင်တာလွှတ်ယှဉ်ပြိုင်ခဲ့ပြီး အဝါရောင်ရွက်လှေအုပ်စု (Yellow Fleet) နဲ့ အပြာရောင်ရွက်လှေအုပ်စု (Blue Fleet) ၂ ဖွဲ့ခွဲပြီး Qualifying Series Race 5 နဲ့ Race 6 ဆိုပြီး ပြိုင်ပွဲ ၂ ပွဲ ဆက်လက်ယှဉ်ပြိုင်ခဲ့ကြပါတယ်။တစ်ဦးချင်းရွက်လှေပြိုင်ပွဲ Qualifying Series Race 5 ပွဲအပြီး အဝါရောင်ရွက်လှေအုပ်စု (Yellow Fleet) မှာ တရုတ်နိုင်ငံမှ Gang Siyi က ထိပ်ဆုံးကနေ ပန်းဝင်လာခဲ့ပြီး၊ သူ့နောက်မှာ ထိုင်းနိုင်ငံမှ Bowonnan Chanram ၊ USA မှ Stephen Momeier ၊ တရုတ်နိုင်ငံမှ Zheng Hongyu ၊ နယူးဇီလန်နိုင်ငံမှ Noah Malpot တို့က အသီးသီး အစဉ်လိုက် ပန်းဝင်ခဲ့ကြပါတယ်။

Photos: Win Htun Aung

အပြာရောင် ရွက်လှေအုပ်စု (Blue Fleet) မှာ ထိုင်းနိုင်ငံမှ Panwa Boonnak က ထိပ်ဆုံးကနေ ပန်းဝင်လာခဲ့ပြီး အိုမန်နိုင်ငံမှ Mohammed Al Qasmi ၊ ထိုင်းနိုင်ငံမှ Patihan Vorrasart ၊ Chalisa Krittanai ၊ အိန္ဒိယနိုင်ငံမှ Dawood Qureshi တို့က အသီးသီးအစဉ်လိုက်ပန်းဝင်ခဲ့ပါတယ်။ တစ်ဦးချင်းရွက်လှေပြိုင်ပွဲ Qualifying Series Race 6 ပွဲအပြီး အဝါရောင်ရွက်လှေအုပ်စု (Yellow Fleet) မှာ ထိုင်းနိုင်ငံမှ Bowonnan Chanram က ထိပ်ဆုံးကနေ ပန်းဝင်လာခဲ့ပြီး၊ ထိုင်းနိုင်ငံမှ Jedtavee Yongyuennarn ၊ တရုတ်နိုင်ငံမှ Gang Siyi ၊ Zheng Hongyu ၊ ကနေဒါနိုင်ငံမှ Andreas Steinitz တို့က အသီးသီး အစဉ်လိုက် ပန်းဝင်ခဲ့ကြပါတယ်။။ အပြာရောင်ရွက်လှေအုပ်စု (Blue Fleet) မှာ ထိုင်းနိုင်ငံမှ Panwa Boonnak က ထိပ်ဆုံးကနေ ပန်းဝင်လာခဲ့ပြီး ထိုင်းနိုင်ငံမှ M.L.Weka Bhanubandh ၊ သီရိလင်္ကာနိုင်ငံမှ Jehan Charith De Silva ၊ Sahanya Wewita ၊ ဂျပန်နိုင်ငံမှ Manami Deguchi တို့က အသီးသီး အစဉ်လိုက် ပန်းဝင်ခဲ့ကြပါတယ်။

ယခုဖော်ပြခဲ့တဲ့ရလဒ်တွေဟာ နိုဝင်ဘာလ ၁၅ ရက်နေ့ တတိယနေ့ပြိုင်ပွဲအပြီး ရလဒ်တွေသာဖြစ်ပြီး ယနေ့ ထပ်မံယှဉ်ပြိုင်နေတဲ့ ပွဲစဉ်တွေ ပြီးဆုံးမှသာ ပွဲစဉ်အားလုံးပေါင်းရလဒ်တွေကို စုပေါင်းတွက်ချက်ပြီး ဆုပေးအပ်ချီးမြှင့်သွားမှာဖြစ်ပါတယ်။