Photos: Metro

ဘာစီလိုနာအသင်းရဲ့အားကစားဒါရိုက်တာ အဲရစ်အဘီဒယ်ဟာ ပြီးခဲ့တဲ့အပတ်က လော့စ်အိန်ဂျလိစ်မြို့မှာ အားလပ်ရက်အပန်းဖြေအနားယူနေတဲ့ မန်ချက်စတာယူနိုက်တက်အသင်းရဲ့ကွင်းလယ်ကြယ်ပွင့် ပေါ့ဂ်ဘာနဲ့ အပြောင်းအရွှေ့ကိစ္စဆွေးနွေးခဲ့တယ်လို့ သိရပါတယ်။

Photos: Metro

ဘာစီလိုနာအသင်းဟာ ပီဂျာနစ်နဲ့ သီယေဂိုအယ်ကန်တာရာတို့ကို ခေါ်ယူဖို့ ကမ်းလှမ်းခဲ့ပေမယ့် မန်ချက်စတာယူနိုက်တက်အသင်းရဲ့ကွင်းလယ်ကြယ်ပွင့်ပေါ့ဂ်ဘာက အသင်းရဲ့ကွင်းလယ်ကို အားသစ်လောင်းပေးနိုင်မယ်လို့ ယုံကြည်နေတာဖြစ်ပါတယ်။

အမြော်အမြင်ရှိစွာ ပြန်လည်ခေါ်ယူခွင့်နဲ့ ရောင်းချခဲ့တဲ့ မန်ယူကစားသမားဟောင်း ၂ ဦး 

ပေါ့ဂ်ဘာဟာ ဘာစီလိုနာအသင်းအတွက် ကစားပေးဖို့ ဆန္ဒရှိနေပြီး အထူးသဖြင့် ဘာစီလိုနာဂန္တဝင်ကွင်းလယ်ကြယ်ပွင့်ကစားသမား အင်နီယေစတာ ဝတ်ဆင်ခဲ့တဲ့ ကျောနံပါတ် ၈ ကို ဝတ်ဆင်ကစားရမှာကို ပိုမိုစိတ်လှုပ်ရှားနေတယ်လို့ သိရပါတယ်။ စပိန်ရေဒီယိုဌာနဖြစ်တဲ့ RAC1 က ဘာစီလိုနာအသင်းဟာ ပေါ့ဂ်ဘာကို ခေါ်ယူဖို့အတွက် လိုအပ်တဲ့ငွေကြေးပမာဏကို ရှာဖွေဖို့အတွက် အူ့စ်မန်းဒမ်ဘီလီကို အာဆင်နယ်အသင်းထံ ရောင်းချဖို့ ပြင်ဆင်နေတယ်လို့ အတည်ပြုပေးခဲ့ပါတယ်။

Photos: Metro

ဂျူဗင်တပ်အသင်းကနေ အသင်းရဲ့စံချိန်တင်ပြောင်းရွှေ့ကြေးနဲ့ခေါ်ယူထားတဲ့ ပေါ့ဂ်ဘာဟာ နည်းပြ မော်ရင်ဟိုနဲ့ ဆက်ဆံရေးမပြေမလည်ဖြစ်နေသူဖြစ်ပြီး အသင်းရဲ့ကစားကွက်နဲ့ပတ်သက်ပြီး ချဉ်းကပ်ရာမှာ သဘောထားကွဲလွဲခဲ့ကြတာဖြစ်ပါတယ်။ ပေါ့ဂ်ဘာဟာ ပြီးခဲ့တဲ့ရက်ပိုင်းက နည်းပြမော်ရင်ဟိုက အားလပ်ရက်ကို လျှော့ချပြီး အသင်းကို ပြန်လာပြီး ကူညီကြဖို့ တောင်းဆိုခဲ့တာကို လစ်လျူရှုခဲ့ပြီး အားလပ်ရက်အပန်းဖြေအနားယူခြင်းကို ဆက်လက်ပြုလုပ်နေသူဖြစ်ပါတယ်။