Sports: ရော်နယ်ဒို မန်ယူရောက်ဖို့ ဖာဂူဆန် ကူညီမယ်

ရော်နယ်ဒိုက မန်ယူပြန်ခေါ်နိုင်ဖို့အတွက် နည်းပြဟောင်း ဖာဂူဆန်က ဝင်ရောက်ကူညီသွားမယ်လို့ သိရပါတယ်။

play

ရော်နယ်ဒိုအပေါ်  ဖာဂူဆန်ရဲ့ သြဇာရှိနေဆဲပါ

မန်ယူအသင်းနည်းပြဟောင်း ဆာအဲလက်စ်ဖာဂူဆန်က အသင်းရဲ့အဝတ်လဲခန်းထဲမှာ သြဇာအာဏာ မရှိတော့ပေမယ့် ကစားသမားအပြောင်းအရွှေ့ကိစ္စတွေမှာတော့ သြဇာသက်ရောက်သူ ဖြစ်နေဆဲဆိုတာ သက်သေပြတဲ့ သတင်းတစ်ပုဒ်ထွက်လာပြန်ပါပြီ။

လက်ရှိ ရီးရဲလ်မက်ဒရစ်အသင်းရဲ့ ကြယ်ပွင့်ကစားသမား ရော်နယ်ဒိုက မန်ယူက  ပြန်ခေါ်ဖို့ ကြိုးပမ်းနေရာမှာ ဖာဂူဆန်က ဝင်ရောက်ကူညီသွားမယ်လို့ ဆိုပါတယ်။ အခုချိန်မှာတော့ ရော်နယ်ဒိုရဲ့ အပြောင်းအရွှေ့သတင်းတွေ ကျယ်ကျယ်ပြန့်ပြန့် ထွက်နေပြီး ပီအက်စ်ဂျီကလည်း ခေါ်ဖို့ ကြိုးစားနေတယ်လို့ သတင်းထွက်ထားပါတယ်။

play

နည်းပြဗန်ဟားလ်ကလည်း  ရော်နယ်ဒိုကို ကြိုဆိုတယ်လို့ ပြောထားပါတယ်

ရော်နယ်ဒိုဟာ မန်ယူကစားသမားဟောင်း ဖြစ်ခဲ့ဖူးပေမယ့်လည်း များပြားလှတဲ့ ပြောင်းရွှေ့ကြေးနဲ့ သူ့ရဲ့လစာငွေက အသင်းတွေအတွက် အခက်တွေ့နေရတာပါ။ မန်ယူနည်းပြဗန်ဟားလ်ကလည်း မကြာသေးခင်က ရော်နယ်ဒိုကို ပြန်လာချင်တယ်ဆိုရင် သူ့ဘက်က ကြိုဆိုဖို့ အဆင်သင့်ပဲလို့ ပြောထားပါသေးတယ်။

play

မန်ယူမှာ ရှိခဲ့စဉ်က ရော်နယ်ဒို

ရော်နယ်ဒို မန်ယူရောက်လာခဲ့ရင် တစ်ပတ်ကို လုပ်ခလစာငွေ အနည်းဆုံး ပေါင်နှစ်သိန်းခွဲလောက် ပေးရမှာ ဖြစ်ပါတယ်။ မာကာသတင်းစာရဲ့ အဆိုအရ ရော်နယ်ဒိုမန်ယူပြောင်းလာဖို့ ဖာဂူဆန်ကိုယ်တိုင် နားချသွားမယ်လို့ ဆိုပါတယ်။ ဖာဂူဆန်ဟာ ရော်နယ်ဒိုအတွက် သြဇာရှိတဲ့ နည်းပြတစ်ဦး ဖြစ်ခဲ့သူပါ။ အခုချိန်ထိလည်း သူတို့နှစ်ဦးကြားမှာ ကောင်းမွန်တဲ့ ဆက်ဆံရေးတစ်ခု ရှိနေသေးပါတယ်။

Source : www.givemesports.com

Photos : www.goal.com, www.express.co.uk

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ